Biroz avval SHahboz Umarov koronavirus sabab yig'inga kelmagani haqida xabar bergan edik.
O'zbekiston MTJ. SHahboz Umarov koronavirusga chalindi va terma jamoa ixtiyoriga kela olmadi
Bugun Srechko Katanec boshchiligidagi terma jamoamiz dastlabki mashg'ulotni o'tkazmoqda. "Paxtakor" stadionida o'tayotgan mashg'ulot 17:15da start olgan. Mashg'ulot boshlanishidan oldin bosh murabbiy Srechko Katanec jurnalistlarga qator fikrlarini bildirib o'tdi.
"Gruziyani juda ham yaxshi raqib, deb hisoblayman. Biz uchun yaxshi sinov bo'ladi. Tarkib bo'yicha gapiradigan bo'lsam asosan markaziy himoya chizig'ida muammolarimiz bor. Jumladan, Rustam Ashurmatov viza bilan muammolar sabab etib kela olmadi. Bundan tashqari, SHahboz Umarov koronavirusga chalinganligi bois kelmadi. Biz esa o'zimizda bor futbolchilar bilan ushbu o'yinni o'tkazamiz", - deya dastlabki fikrlarini bildirib o'tdi mutaxassis.
"O'zbekistonga kelishdan avval faqatgina Eldor SHomurodovni bilar edim. Qolgan yosh futbolchilar haqida gapirsak barchasi men uchun yangilik bo'ldi. Biz ularga ko'proq vaqt berishimiz kerak. Ular xato qilsa ham imkon berishda davom etishimiz zarur. SHundan keyingina ular terma jamoaga ko'nikib ketib, bizning o'yinimizni kuchaytirishi mumkin.
Hozir hujum chizig'imiz juda ham yaxshi holatda, deb aytishimiz mumkin. Lekin biz alohida futbolchilarga tayangan holda emas, balki butun jamoani shakllantirishimiz kerak. Hozirda hujum chizig'i yaxshi bo'lsa ham, himoya haqida bunday demagan bo'lar edim. Hozir himoya chizig'imizda ancha katta muammolar bor. Endigi maqsadimiz himoya chizig'ini kuchaytirgan holda yaxlit jamoani shakllantirish", - dedi Srechko Katanec.
Bosh sahifaga
74
