- Bo'lajak raqib Gruziya haqida nima deya olasiz?
- Gruziya Evropa qitasi jamoasi hisoblanadi. SHu bois kuchli raqiblardan biri, yaxshi futbolchilarga ega. Biz uchun juda ham foydali o'yinlardan biri bo'ladi.
- Faoliyatizda golsiz seriyalar bo'lgan, so'nggi turda "Roma" safida gol urdingiz. Bu endi golli seriya boshlanishiga sabab bo'ladi deb o'ylaysizmi?
- Hammasi yaratgandan. Har doim gol urish uchun maydonga tushganman. Bundan buyog'iga ham harakat qilaman.
- Srechko Katanec haqida qanday fikrdasiz?
- Barchasi joyida. Yigitlar bilan ham tezda chiqishib ketdi. Mashg'ulotlari ham ancha qiziq.
- Iordaniyaga qarshi o'yin (0:3) muammolarimizni to'liq ochib berdi desak bo'ladimi?
- Bunday demagan bo'lardim, chunki u erda futboldan tashqari ham muammolar ham bo'ldi. To'g'ri eng yaxshi o'yinlarimizni ko'rsata olmadik. Lekin kerakli xulosalar chiqardik. Gruziya bilan umuman boshqacha o'yin bo'ladi deb aniq ayta olaman.
- Terma jamoada ham, "Roma"da ham evropalik murabbiy qo'l ostida ishlayapsiz. O'xshashlik va farqli tomonlari nimada?
- Har bir murabbiyning o'z uslubi bor, farqi bor katta. Lekin terma jamoada terma jamoa uchun, klubda klub uchun harakat qilamiz.
Bosh sahifaga
357