Video  Otabek SHukurov: "So'nggi yillarda futbolimiz juda pasayib ketdi, yangi murabbiyning kelgani futbolchilarga ishonch beradi"

Srechko Katanec boshchiligidagi terma jamoamizning bugungi mashg'uloti "Paxtakor" stadionida bo'lib o'tdi. Otabek SHukurov boshlangan yig'in borasida fikrlari bilan o'rtoqlashdi.

"Yangi murabbiy qo'l ostidagi uchinchi yig'inni o'tkazmoqdamiz. Srechko Katanecning uslubini va taktikasini o'rganish jarayonidamiz. Ushbu murabbiy juda ham qattiqqo'l, deya olaman. Agressiv o'ynashimizni talab qilmoqda. O'zbekiston terma jamoasini optimal holatga va eng yuqori darajaga olib chiqishga harakat qilamiz.

Yangi murabbiy qo'l ostida yangi futbolchilar yig'ilgani yaxshi bo'ldi, ularga ham qaysidir manoda tasir qiladi. CHunki o'zimizning futbol so'nggi yillarda juda pasayib ketdi. O'zgarishlar bo'layotgani ularga katta ishonch beradi. O'zbek futboli ko'proq chiroyli o'yin ustiga quriladi, paslar bilan harakatlanadi.

Srechko Katanec esa natija uchun o'ynashimizni, yaxshi himoyalansak hujumda tezroq harakat qilib gol uramiz, dedi. Hujumga o'tganimizda bosh xududlar ochilib himoyada muammolar ko'zga tashlanib qoldi",- deydi Otabek SHukurov.