"Aytish joizki, final uchrashuviga Farg'ona viloyati futbol associaciyasi yuqori saviyada tayyorgarlik ko'rdi va viloyat birinchiligi finali alo darajada o'tkazildi.
Finalgacha bosib o'tilgan yo'l
Bu yilgi Ikkinchi liga bahslari ham xuddi oldingi yillardagi kabi shiddatli va keskin kurashlar ostida o'tdi. Hal qiluvchi uchrashuvga Oltiariqning “Do'stlik” va Quvasoyning “Cementchi” klublari etib kelishdi.
Ushbu jamoalar 2-liga bahslarini ham yuqori saviyada o'tkazib, o'z guruhlarida birinchi o'rinni qo'lga kiritishgandi. SHuning uchun finalga bo'lgan qiziqish yuqori edi.
Yana o'z oldiga yuqori maqsadlarni qo'ygan “Cementchi” klubi ham sekin-asta o'z mavqeyini tiklab bormoqda. Jamoaning o'zagini yoshlar tashkil etgan bo'lsa-da, quvasoyliklar finalga jiddiy tayyorgarlik ko'rishgandi. Finalda Oltiariqning "Do'stlik" jamoasi g'alaba qozonib, yakunda viloyat chempionligini qo'lga kiritdi.
Taqdirlash marosimida Farg'ona viloyati Turizm va sport bosh boshqarmasi boshlig'i Xurshid Axmedov, Viloyat futbol associaciyasi birinchi vice-prezidenti Nosirbek Otaqo'ziev, "Neftchi" futbol jamoasi raxbari Zohidjon G'ofurov va "Neftchi" futbol klubi murabbiyi SHerzodbek Hakimov ishtirok etishdi.
O'yindan keyin tashkil etilgan taqdirlash marosimi ham katta bayramga aylanib ketdi. “Do'stlik” jamoasi azolariga viloyat chempionligi munosabati bilan kubok va oltin medallar topshirilgan bo'lsa, “Cementchi” vakillariga 2 o'rin uchun tayorlangan diplom va kumush medallar tantanali ravishda taqdim etildi", – deya xabar berdi Farg'ona futbol associaciyasi.
Bosh sahifaga
391
28 Iyul 2026, 05:50