Umuman olganda, Termiz klubi so'nggi 2 mavsumni autsayderlar zonasi atrofida o'tkazdi. Bu yil jamoaning quyi ligaga ravona bo'lishini kutganlar talaygina edi. Biroq, "Surxon" oldinda turgan 3 o'yindan birini yutsa, elitadagi o'rnini kafolatlaydi. Mayli, bu o'z yo'liga...
Championat.asia'da termizlik muxlislar uchun ajoyib xushxabar bor. "Surxon" o'ziga yangi va baquvvat homiy topdi. Gap "ERIELL Group" xalqaro neft-gaz kompaniyasi haqida bormoqda. Malum bo'lishicha, tomonlar o'rtasida og'zaki kelishuvga erishilgan.
Kompaniya allaqachon Termizda jamoa uchun zamonaviy baza qurish borasida amaliy ishlarni boshlab yubordi. "ERIELL Group" dekabr oyining oxirida "Surxon"ni rasman qabul qilib oladi. Championat.asia'ga malum bo'lishicha, kompaniya rahbariyati O'zbekistonning janubida yangi grand jamoani tuzmoqchi. Buning uchun 2-3 yil talab qilinadi. SHu maqsadda kelasi yil Termizga ispaniyalik murabbiy olib kelinishi aytilmoqda.
Endi "ERIELL Group" haqida qisqacha. Bu Rossiya Federaciyasi, Markaziy Osiyo, yaqin SHarqdagi neft va gaz sohasidagi etakchi kompaniyalarga quduqlarni qurish hamda kapital tamirlash xizmatlarini ko'rsatuvchi xalqaro neft-gaz kompaniyasi. "ERIELL Holding" boshqaruv kengashining raisi Baxtiyor Fozilov hisoblanadi.
U 2018 yildan O'zbekistonda xokkey rivojlanishiga homiylik qilayotgan edi. "ERIELL Group", shuningdek, "Spartak" (Moskva) xokkey klubining bosh homiysi va KXLning rasmiy hamkori hisoblanadi.
Xullas, Termiz klubi tez orada keskin kuchaytirilishi kutilmoqda. Aytgancha, yangi homiy to'g'risidagi gaplarni "Surxon" mutasaddisi ham tasdiqladi. Voqealar rivojini esa kuzatamiz.
Superliga. "Surxon" — "Nasaf" uchrashuvi haqida 11 fakt
Bosh sahifaga
295