Bu gal taniqli jurnalist, radio boshlovchi Norbek Niyozov bilan suhbatlashdik. Unga futbolga oid 8ta, futboldan tashqari 3ta savol bilan murojaat qildik.
- Siz o'yinlarini bevosita stadiondan kuzatgan eng kuchli futbolchi kim?
- Mirjalol Qosimov.
- Siz ko'rgan eng chiroyli gol?
- Mirjalol Qosimovning burchakdan kiritgan gollari.
- Sizningcha, bugun o'zbek futbolining qaysi jihatlari tanqidga loyiq?
- Tanqidga loyiqmas jihatlarini o'ylab ko'rish kerak.
- Ayollar va futbol. Bunga qanday qaraysiz?
- Yaxshi o'ynasa qarayman. Ayollarning futbol maydonidagi baqir-chaqirlari qiziq.
- O'zbekistondagi eng kuchli murabbiy kim?
- Ayni kunda Ro'ziqul Berdiev, umuman bo'lsa Ravshan Haydarov.
- Nechanchi yillardagi terma jamoamiz barcha davrlarning eng kuchlisi edi?
- 1994-2000 yillar oralig'idagi terma jamoamiz juda kuchli bo'lgan.
- Superligadagi eng kuchli futbolchi?
- Serbiyalik Dragan CHeran.
- O'zingiz o'yinlarini kuzatgan futbolchilar orasidan ramziy jamoa tuzib bering.
Darvozabon – Pavel Bugalo.
Himoyachilar – Baxtiyor Ashurmatov, Ilhom SHaripov, Andrey Fyodorov, Nikolay SHirshov,
Yarim himoyachilar – Timur Kapadze, Mirjalol Qosimov, Odil Ahmedov,
Hujumchilar: Igor SHkvirin, Maksim SHackix, Jafar Irismetov
Murabbiy: Bob Xougton (Buyuk Britaniya)
- Faoliyatingiz davomidagi eng yorqin xotira.
- Agar futbolga oid bo'lsa MHSK stadionida O'zbekiston terma jamoasining Saudiya Arabistoni terma jamoasini yirik hisobda mag'lubiyatga uchratgani. Futboldan tashqari bo'lsa, 2008 yilgi Pekin Olimpiadasiga borganim, 2019 yil Rossiyaning Ekaterinburg shahrida o'tgan boks bo'yicha jahon chempionatini yoritganim.
- Yodda qolarli maqtov va tanqidni eslay olasizmi?
- O'FF prezizidenti rahmatli Mirabror Usmonov mening muallifligimdagi "Arena" eshittirishini ijroqo'm yig'ilishida maqtagandi. Tanqidlar ko'p bo'lgan, hammasini yozishga vaqtim etmaydi.
- Hayotdagi eng katta yutug'ingiz qaysi?
- Hali oldinda, deb o'ylayman.
"8+3". Kapadze, To'raev va SHaker Zuagi — Jaloliddinov eng yaxshilarni aytdi (8-son)
Bosh sahifaga
295