"Gruziyaliklar O'zbekiston bilan o'yinga jiddiy qarashmoqda" - Elguja Grigalashvili

O'zbekiston milliy terma jamoasi FIFA kunlari doirasidan o'rin olgan o'rtoqlik uchrashuvida Gruziyaga qarshi maydonga chiqadi. Bilasiz bu yurt futboli bilan ancha tanish hisoblanamiz. Hozirgi kunga qadar ichki chempionatimizda ko'plab gruziyalik futbolchilar to'p tepib kelgan. Ular o'zlarining baland bo'yi, jismoniy baqquvatligi va tezligi bilan ajralib turgan. Hozirda "Qizilqum" safida to'p tepayotgan Elguja Grigalashvili ham shular qatoridadir. Bu yil hisobidan yurtimizda to'rtinchi mavsumini o'tkazayotgan hujumkor futbolchi ko'pchilik muxlislarning yoqimtoyiga aylanib ulgurdi. Biz Gruziya bilan o'yin arafasi uning fikrlari bilan qiziqdik. 

SHveciyadan so'ng Gruziya yoxud O'zbekistonning Evropa terma jamoalari bilan statistikasi qanday?

- Bilasiz O'zbekiston terma jamoasi 15 noyabr kuni Gruziya mehmoni bo'ladi. Ushbu uchrashuvga yaqin sizning fikringiz bilan tanishish istagi tug'ildi. Sir emaski, mazkur yurt vakili sanalasiz. Imkoniyatlar, fikrlar bizdan ko'ra ko'proq bo'lishi tabiiy. Nima deb o'ylaysiz bu uchrashuv ko'proq qaysi tomonga foydaliroq?

- Qaysi tomonga foydaliligi haqida biror narsa deyish qiyin. CHunki bu o'z nomi bilan aytganda o'rtoqlik uchrashuvi, rasmiy maqomga ega emas. Ikki terma jamoa murabbiylarida kerakli jihatlarni ko'rib olish imkoni mavjud. Bunday o'yinlar futbolchilarning qanday holatda ekanligini bilib olish uchun ham kerak. Har holda yomon o'yin bo'lmasa kerak, deb o'ylayman.

- Ushbu bahsda imkoniyatlarni qanday baholaysiz? Gruziyada tarixdagi taniqli sobiq futbolchi Villi Sanol faoliyat olib bormoqda. U terma jamoani qanchalik kuchaytira olgan?

- Gruziya o'z o'yinini ko'rsatishga harakat qiladi. Villi Sanol terma jamoada o'yinni yaxshi yo'lga qo'ya olishi muhim. 

- Azaldan bilamiz, yuqorida ham takidladik gruziyalik futbolchilar bo'ydor va baquvvat bo'lishadi. O'zbekiston terma jamoasi himoyasida ayni paytda muammolar bor. Mana shu omillar tasirida o'yinda hisob yirik ko'rinishi olishi mumkinmi?

- Yo'q, yirik hisob qayd etilmaydi, deb o'ylayman. Maydonda teng kurash kechishini taxmin qilishim mumkin. Lekin yakunda Gruziya g'alaba qozonadi. 

- "Qizilqum"ning ikkinchi davradagi omadsizliklarining sababi nimada?

- Bu savolga hech narsa deya olmayman. Qaysidir o'yinlarda omad etishmayapti. Harakat qilmoqdamiz. To'xtab qolmaymiz.

- Gruziyaliklar O'zbekiston bilan o'yinga qanday munosabatda bo'lmoqda?

- Oddiy emas jiddiy qarashmoqda, deya olaman. 

Abdulaziz Iskandarov suhbatlashdi