Uchrashuv 2:2 hisobidagi jangovar durang natija bilan yakun topdi. Mazkur bahsdan keyin termizliklar futbolchisi Jahongir Ahmadov bilan suhbatlashdik.
- “Nasaf” bilan uchrashuvdan olgan taassurotlaringiz qanday?
- “Nasaf” bilan uchrashuvda bizga ochko juda muhim edi. Biz ham katta maqsadlarni ko'zlagan holda maydonga tushdik. 2:0 hisobida ortda qolayotgan bo'lsak-da, yigitlar o'zlarida kuch topa olishdi hamda oxirigacha kurashdik. Ikkita to'p kiritib olishda jamoamiz qattiq mehnat qildi deya olaman.
- Bu o'yinda g'alaba ham qozonish mumkinmidi?
- Albatta. Bu o'yinda g'alabani ham ilib ketishimiz mumkin edi. Hisob tenglashganidan so'ng bizda yana bir nechta gol urish uchun imkoniyatlar yuzaga keldi. Afsuski, omad kelmagani tufayli imkoniyatlarimizdan foydalana olmadik.
- “Surxon” oldiga qanday maqsadlar qo'yilgandi?
- Mavsum avvalida har bir o'yinda g'alaba qozonib, muxlislarimizni xursand qilish vazifasi qo'yilgan. Biz shuni amalga oshirish uchun harakat qilmoqdamiz.
- Ortda qolgan 24-turdan keyin jamoaning ochkolari soni 22taga etdi. Superligada qolish vazifasi qanchalik bajarildi?
- Superligada qolish vazifasini to'liq hal qila olmadik. Oldimizda ikkita uchrashuv bor. Qolganlarga nisbatan imkoniyatimiz yuqori bo'lsa-da, avvaldan xulosa qilishimiz yaxshimas. SHu sababli qolgan ikkita uchrashuvda ham ijobiy natija ko'rsatish va Superligada qolish vazifasini bajaramiz.
- “Surxon” Superligada qolsa jamoadagi faoliyatingizni davom ettirasizmi?
- Oldindan biror nima deya olmayman. Hammasini vaqt ko'rsatadi.
- Bu yil Superligada to'p surish orqali qanchalik tajriba to'play oldingi?
- Futbolchi sifatida yanada o'sishim uchun foydali bo'ldi. Superliga doirasida qancha ko'p maydonga tushsam, bu mening o'sishim ham xizmat qiladi.
Bosh sahifaga
81
