Mamlakat birinchiligi tarixiga nazar solsak, eng ko'p to'purarlar "Paxtakor"dan chiqqan. Toshkent klubi vakillari jami 8 marotaba bu nomga ega chiqishigan. Bu borada 2-pog'ona Farg'onaning "Neftchi" jamoasiga tegishli — 6. Kuchli uchlikka "Bunyodkor" yakun yasaydi. "Qaldirg'ochlar"dan 5 ta to'purar chiqqan.
Oliy liganing dastlabki "Oltin butsa"sini "Paxtakor" azosi Valeriy Kechinov o'ziniki qilib olgan. 1992 yilgi mavsumda Kechinov raqiblari darvozasiga 24 marotaba to'p kiritib, chempionatning eng yaxshi to'purariga aylangan.
O'zbekiston chempionatida jami 6 nafar legioner mavsum "bombardiriga" aylangan. Bular Rivaldo, Milosh Trifunovich, Oleksandr Pishur, Artur Gevorkyan, Tiago Bezerra va Dragan CHeran.
2010 yilgi mavsumda Alisher Xoliqov va Nosir Otaqo'ziev 13 tadan gol bilan barchadan yaxshi natija qayd etishgan, ammo bu chempionat tarixidagi eng past natija hisoblanadi.
Jafar Irismetov esa 2000 yilda 45 ta gol urib chempionatning eng yaxshi to'purariga aylangan va mavsumda gollar soni bo'yicha rekord o'rnatgan.
2021 yilgi mavsumda kim to'purar bo'ladi? Hozir bu borada "Paxtakor" vakili Dragan CHeran 16 ta goli bilan etakchilik qilyapti. 2-o'rindagi Temurxo'ja Abduxoliqovning hisobida 12 gol bor. Agar serbiyalik futbolchi kelasi 2 turda ham o'z o'rnini saqlab qolsa, chempionatimizning o'ziga xos rekordini o'rnatadi. Bunga qadar hech qaysi futbolchi qatorasiga 3 mavsum "Oltin butsa"ni yuta olmagan.
O'zbekiston chempionati to'purarlari:
1992 - Valeriy Kechinov ("Paxtakor") 24 ta gol
1993 - Rustam Do'rmonov ("Neftchi") 24 ta gol
1994 - Ravshan Bozorov ("Neftchi") 26 ta gol
1995 - Oleg SHackix ("Navbahor") 26 ta gol
1996 - Oleg SHackix ("Navbahor"), Jafar Irismetov ("Do'stlik") 23 ta gol
1997 - Jafar Irismetov ("Do'stlik") 34 ta gol
1998 - Mirjalol Qosimov ("Paxtakor"), Igor SHkvirin ("Paxtakor") 22 ta gol
1999 - Umid Isoqov ("Neftchi"), Baxtiyor Hamidullaev ("Andijon") 24 ta gol
2000 - Jafar Irismetov ("Do'stlik") 45 ta gol
2001 - Umid Isoqov ("Neftchi") 28 ta gol
2002 - Baxtiyor Hamidullaev ("Andijon") 22 ta gol
2003 - Marsel Idiatulin ("Qizilqum"), SHuhrat Mirholdirshoev ("Navbahor") 26 ta gol
2004 - SHuhrat Mirholdirshoev ("Navbahor") 31 ta gol
2005 - Anvar Soliev ("Paxtakor") 29ta gol
2006 - Pavel Solomin ("Traktor") 21 ta gol
2007 - Ilhom Mo'minjonov ("Quruvchi") 21 ta gol
2008 - Server Jeparov ("Bunyodkor") 19 ta gol
2009 - Rivaldo ("Bunyodkor") 19 ta gol
2010 - Alisher Xoliqov ("Neftchi"), Nosir Otaqo'ziev ("Olmaliq") 13 ta gol
2011 - Milosh Trifunovich ("Bunyodkor") 17 ta gol
2012 - Anvar Berdiev ("Neftchi") 19 ta gol
2013 - Oleksandr Pishur ("Bunyodkor") 19ta gol
2014 - Artur Gevorkyan ("Nasaf") 18 ta gol
2015 - Igor Sergeev ("Paxtakor") 23 ta gol
2016 - Temurxo'ja Abduxoliqov ("Lokomotiv") 22 ta gol
2017 - Marat Bikmaev ("Lokomotiv") 26 gol
2018 - Tiago Bezerra ("Paxtakor") 18 gol
2019 - Dragan CHeran ("Paxtakor") 23 gol
2020 - Dragan CHeran ("Paxtakor") 20 gol
2021 - ?
Bosh sahifaga
332
3 Avgust 2026, 13:13