Saytimiz o'z annasiga sodiq qolgan holda tur laureatlarini aniqladi.
"Paxtakor" darvozaboni Eldorbek Suyunov yakunlangan turda "Qo'qon-1912" bilan bahsda ajoyib o'ynadi. Qo'qonliklarning ko'plab hujumlari va zarbalaridan keyin Suyunov jamoasini gollardan qutqarib qoldi va haqli ravishda championat.asia talqiniga ko'ra 23-turning eng yaxshi darvozaboni deb topildi.
"Navbahor" hujumchisi Zabihillo O'rinboev "Surxon" bilan bahsda chiroyli gol urishga muvaffaq bo'ldi. Islom Rashidxonov uzatgan to'pni egallab olgan hujumchi jarima maydoni tashqarisidan darvozabonning ustidan darvozaga joylab qo'ydi. SHu tariqa Zabihillo O'rinboevning goli Championat.asia talqiniga ko'ra turning eng chiroyli goli deb topildi.
Bu turda "Lokomotiv" o'z maydonida AGMKni qabul qildi. Unda "Temiryo'lchilar" birinchi taym so'nggida gol o'tkazib yuborishdi va hisobda ortda qola boshlashdi. Zaxiradan maydonga tushgan tajribali Marat Bikmaev dastlab penaltidan so'ngra hakam tomonidan qo'shib berilgan daqiqalarda o'yindan gollar urib "Lokomotiv"ga irodali g'alabani keltirdi - 2:1. SHu bois Championat.asia talqiniga ko'ra Marat Bikmaev 23-turning eng yaxshi futbolchisi deb topildi.
Bu tur "So'g'diyona" Jizzaxda ikkinchi o'rinda borayotgan "Nasaf"ni qabul qilib 3:1 hisobida g'alabaga erishdi. Kumush medallar uchun kurash olib borayotgan "Ajdarlar"ni mag'lub etgan "So'g'diyona" shu kuni juda yaxshi o'ynadi. Championat.asia talqiniga ko'ra jizzaxliklar ustozi Ulug'bek Baqoev 23-turning eng yaxshi murabbiyi deb topildi.
Bosh sahifaga
787