SHuhrat Toshpo'latov: "Endilikda qo'lga kiritiladigan har bir ochko oltinga teng bo'ladi"

O'yin haqida

- Jamoada Ro'ziqul Berdievning o'rni baribir boshqacha. Biz murabbiylar shtabi o'yin davomida bosh murabbiy tomonidan tayyorlab qo'yilgan ko'rsatmalarni futbolchilarga etkazdik. Bugungi g'alabadan albatta xursandmiz.

Yigitlarga katta rahmat aytaman. Bugun yaxshi jamoaga qarshi o'yin o'tkazdik. "Qo'qon-1912" qarshi hujumda faol o'ynaydi va standartlardan unumli foydalanadi. Bugun ular bizga qattiq qarshilik ko'rsatganlariga qaramay yigitlar faollik evaziga g'alabani qo'lga kiritishdi va 3 ochko egasiga aylandik. Musobaqa jadvalida 2-o'rinni qo'lga kiritish uchun oxirigacha kurashamiz.

- "Surxon" bilan o'yinda yigitlarga ruhiy bosim tasir ko'rsatdi deb o'ylaysizmi?

- Hisobda 2:0 hisobida oldinda borayotganingizda istaysizmi, yo'qmi xotirjamlikka berilasiz. Bazi vaziyatlarda konsentraciyani yo'qotib qo'ydik va yakunda 2 ta gol o'tkazib yubordik. Aytib o'tganimdek navbatdagi o'yinlarga jiddiy tayyorgarlik ko'rgan xolda ikkinchi o'rin uchun jiddiy kurashamiz.

- Jizzaxda "So'g'diyona" bilan o'tadigan o'yin medallarni hal qiladi deb o'ylaysizmi?

- Endilikda har bir o'yinning qadri baland va qo'lga kiritiladigan ochko oltinga teng bo'ladi. Albatta Jizzaxda ijobiy natijaga erishishga harakat qilamiz. "So'g'diyona" bilan 2 marta o'ynadik va g'alabaga erishganmiz. Albatta bu o'yinda ham g'alaba uchun maydonga chiqamiz.

- Doniyor Narzullaevning xolati qanday?

- Hozircha biron narsa deyish qiyin. Narzullaev tizzasidan jarohat oldi. Klub shifokorlari bilan gaplashib ko'rib so'ng uning xolatiga oydinlik kiritamiz.

- "Surxon" bilan o'yindan so'ng jamoani ruhan va jismonan tayyorlash qanday bo'ldi?

- Takror aytayapman, bu futbol. Unda kimdir mag'lub bo'ladi,durang o'ynaydi yoki g'alabaga erishadi. Har 4 kunda bir uchrashuv o'tkazayapmiz, shu sabab bugungi o'yinga yigitlarni ko'proq ruhan tayyorladik.

- Xusayin Norchaevning to'purarlik poygasidagi imkoniyatlarini qanday baholaysiz?

- Norchaev gollar urmoqda, biz bundan xursandmiz. To'purarlik poygasida ham albatta omad tilaymiz.

- Sizningcha, joriy mavsumda Marko Stanoevichning o'yinida pasayish kuzatilmadimi?

- Marko professional futbolchi hisoblanadi. Uning o'yinida pasayish ko'rganim yo'q. Etibor qaratgan bo'lsangiz, u so'ngi 2 o'yinda 4 ta golli uzatma berdi.