Lekin futbol shunday sport turiki, unda gol uradigan futbolchi albatta, hujumchi bo'lishi shart emas. SHunday himoyachilar borki, ular bir mavsum davomida bir nechta hujumchidan ko'p to'p kiritishi mumkin. Demak, bugun joriy mavsum Superligada goleador bo'lib turgan himoyachilar haqida fikr yuritamiz.
SHerzod Nasrullaev ("Nasaf")
Statistikasi: 20ta o'yin, 3ta gol, 7ta assist
Ushbu mavsumda o'zining iqtidorini yorqin namoyon qilayotgan SHerzod Nasrullaev chempionatda poziciyasining kuchlisi ekanligini ko'rsatib ulgurdi. "Nasaf"da Farruh Sayfievdan so'ng o'ng qanotga munosib o'rinbosar etishib chiqdi, deya olamiz. Nasrullaevni terma jamoaga chaqirilishini barcha kutyapti. Balki Srechko Katanec navbatdagi yig'inlarda unga imkoniyat berar. Ayni paytda Superliga tugashiga 2ta tur qolganida 3ta gol, 7ta assist bilan goleador himoyachilar ichida birinchi o'rinni egallab turibdi.
Ivan Yosovich ("Qo'qon-1912")
Statistikasi: 23ta o'yin, 4ta gol, 2ta assist
O'zbekistondagi ikkinchi mavsumini o'tkazayotgan serbiyalik himoyachi Ivan Yosovich ro'yxatimizning ikkinchi pog'onasidan joy oldi. Markaziy himoyachi bo'lishiga qaramasdan, mavsum o'rtasida "Qo'qon-1912"ning muhim gollariga mualliflik qildi. Uning gollari jamoasiga kerakli ochkolarni taqdim qildi.
Jamoliddin Ubaydullaev ("Mashal")
Statistikasi: 22ta o'yin, 3ta gol, 2ta assist
Aleksandr Xomyakov "Mashal"ning imkoniyatlaridan kelib chiqib ko'proq himoyaviy va qarshi hujumga asoslangan uslubni qo'llamoqda. SHuningdek, standart vaziyatlar orqali keskinlik yaratishga urinyapti. Muborakliklarning 19ta golidan 3tasiga Jamoliddin Ubaydullaev mualliflik qildi. Jamoadoshlarining esa 2ta goliga assistentlik qildi.
Usmonali Ismonaliev ("Andijon")
Statistikasi: 20ta o'yin, 4ta gol, 1ta assist
"Andijon"ning tom manodagi etakchisi Usmonali Ismonaliev bo'ldi desak yanglishmaymiz. Safarda "Navbahor" va "Mashal" darvozasiga urgan gollari jamoaga tarixiy va o'ta muhim g'alabalarni olib keldi. "Andijon" tarixda ilk bor Namangan va Muborak shaharlaridan g'alaba bilan qaytdi.
Husniddin Aliqulov ("Nasaf")
Statistikasi: 20ta o'yin, 3ta gol, 1ta assist
Ikki mavsumdan beri "Nasaf"ning markaziy himoyasida ishonchli harakat qilayotgan Aliqulov o'zining kam sonli gollari bilan jamoasiga ochko olib berdi. Ayniqsa, AGMK bilan safarda kechgan bahsda so'nggi soniyalarda urgan goli "ajdarlar"ni mag'lubiyatdan qutqarib qoldi. "Qizilqum" va "Turon" darvozalariga yo'l topgan uchrashuvlarda ham hisobdagi ustunlik qarshiliklar tomonida bo'ldi.
Murod Xolmuhammedov ("Qo'qon-1912")
Statistikasi: 19ta o'yin, 3ta gol, 2ta assist
Goleador himoyachilar ro'yxatini "Qo'qon-1912" himoyachisi Murod Xolmuhammedov yakunlaydi. 2020 yilgi mavsumda 12ta gol (8tasi penaltidan) bilan Superliga to'purarlari qatoridan joy olgan himoyachi bu yil sermahsullik ko'rsata olayotgani yo'q. Ayrim pallalarda jarohat va boshqa sabablar to'purarlik xislatini ko'rsatishga to'sqinlik qilmoqda, deya olamiz. SHunday bo'lsa-da, ayni paytda 19ta o'yinda 3ta gol, 2ta assist natijasini qayd etib turibdi.
SHuningdek, Sardor Rahmonov (AGMK), SHahboz Jo'rabekov ("So'g'diyona"), Vladislav Kasminin ("Turon") – 2tadan golni o'z nomlariga yozdirib qo'yishdi.
Abdulaziz Iskandarov
Bosh sahifaga
536