"Liverpul" bosh murabbiyi Yurgen Klopp "Aston Villa" klubiga bosh murabbiy etib tayinlangan afsonaviy sobiq futbolchi Stiven Jerrard haqida gapirdi.
"U uchun baxtliman, to'g'risi. Stiven sobiq klubida ham yaxshi faoliyat olib borayotgandi. Ammo, APL klubidan taklif tushadigan bo'lsa, menimcha barcha murabbiylar bunga rozi bo'lishadi.
Jerrard qanchalik mamnun ekanligini tasavvur qilyapman. Sababi, "Aston Villa" katta klub hisoblanadi. Bu klub uchun ham, Jerrard uchun ham ajoyib imkoniyat. Bir necha haftadan so'ng, biz o'zaro o'yin o'tkazamiz. U o'yinda barcha tuyg'ular bir chetga surib qo'yiladi.
Endi "Aston Villa" o'yinlarini yaqindan kuzatib boraman. Ammo, biz raqiblar bo'lganimiz sabab hammasi boshqacha bo'ladi. Nima bo'lganda ham, bu ajoyib yangilik", -deydi Yurgen Klopp.
Bosh sahifaga
310