Unda O'zbekiston o'smirlar terma jamoasi bosh murabbiyi Server Jeparov ham ishtirok etdi va jurnalistlarning savollariga javob berib o'tdi.
Turnir haqidagi fikrlaringiz qanday?
— Birinchi galda men turnir tashkilotchilariga o'z minnatdorchiligimni aytib o'tmoqchiman. CHunki ushbu musobaqa hammamiz uchun keyingi yirik turnirlar uchun tayyorgarlik vazifasini ham o'tab beradi. Jamoamizning tayyorgarligiga kelsak, bizda — Yangi O'zbekistonda bolalarga, yoshlarga etibor har galgidan kuchaygan. Ayniqsa, futbolga qiziqadigan o'smirlarga yondashuv ham yangi darajaga ko'tarilmoqda. O'ylashimcha, qolgan jamoalarda ham xuddi shunday rivojlanish jarayoni ketmoqda. Umuman olganda, mana shu turnir barcha uchun har tomonlama foydali bo'ladi.
Musobaqa uchun oldingizga qanday maqsad qo'ygansiz?
— Oldimizga qo'yilgan vazifalar haqida gapiradigan bo'lsam, birinchi galda yoshlarimizning imkoniyatlarini ko'rib, chamalab olishimiz kerak. Maqsadimiz ularning rasmiy uchrashuvlardagi harakatlarini tahlil qilish hamda ulardan nima kutayotganimizni uqtirish va tushuntirishdan iborat.
Qaysi jamoani o'zingiz uchun yaqqol raqib sifatida ko'rsatgan bo'lardingiz?
— Hozirda qaysidir jamoani o'zimiz uchun asosiy raqib sifatida ko'rsata olmayman, chunki, o'zingiz ham bilasiz, Covid-19 sababli hamma jamoalar o'z darajasini ko'rsata olmayapti. Musobaqalar masalasida tanaffus ham o'z tasirini ko'rsatgan. SHu sababli, aynan qaysidir jamoani mana shu bizning haqiqiy raqibimiz, deb ayta olmayman. Hammada kuch bor, o'ylashimcha, turnirda to'rtala jamoa ham o'z so'zini ayta oladi.
Barcha jamoalarga omad tilayman.
Bosh sahifaga
314
11 Avgust 2026, 14:17