Lingardga olti klub davogarlik qilmoqda

Lingard "Manchester Yunayted" bilan yangi shartnoma bo'yicha muzokara o'tkazishdan bosh tortdi. Malumotlarga ko'ra, futbolchi uchun kamida olti klub uni qo'lga kiritmoqchi.

Futbolchiga "Barselona", "Milan", "Nyukasl", "Vest Xem", "Everton" va "Tottenxem" davogarlik qilmoqda. Bu klublarning barchasi futbolchini kelasi yozda erkin agent sifatida o'z tarkibiga qo'shib olmoqchi.

Lingardning "Manchester Yunayted" bilan amaldagi shartnomasi joriy mavsum oxirigacha amal qiladi. Avvalroq "qizil iblislar" 10 million funt sterlinglik taklif tushsa, futbolchini sotishga rozi ekani xabar qilingandi.

2021/22 yilgi mavsumda Lingard "Manchester Yunayted"ning 8 o'yinida qatnashib, jami 154 daqiqani maydonda o'tkazdi. Uning hisobida 2 ta gol va 1 ta golli uzatma mavjud.