"Atalanta" - "Speciya"
Bergamo klubi uchun Toloyning safga qaytgani ajoyib yangilik bo'ldi, ammo Gosens hali sport formasini tiklab ulgurganicha yo'q. Asosiy tarkibda esa keskin o'zgarishlar bo'lmasa kerak. Hujum uchidagi Sapata ortida Malinovskiy va Pashalich harakat qiladi. Tiago Mottaga havas qilib bo'lmaydi, u muammolar girdobiyda qolib ketgan. Jarohatlar etmay turgandek, himoya chizig'i etakchisi Nikulau ham bu safar jamoadoshlariga yordam berolmaydi. Uning o'rnini maydonda Kivivour egallasa kerak. Hujumda esa bor umid Nzoladan.
So'nggi o'zaro uchrashuvda "Atalanta" uyda 3:1 hisobidagi ishonchli g'alabaga erishgan, Pashalich esa dubl qayd etgan edi. Bukmekerlar bu gal ham "Speciya" g'olib bo'lishiga ishonishmayapti. To'g'ri, "Atalanta"ning ham holati unchalik yaxshi emas, biroq "Speciya"ning tarkib bilan bog'liq muammolarini hisobga olsak, jamoa ko'p hujum qilolmasa kerak.
"Lacio" - "Yuventus"
Mauricio Sarrining "Yuventus"ga qarshi o'yini katta qiziqish bilan kutilmoqda. Albatta, "Lacio" murabbiyi uchun bu principial o'yin bo'ladi va eng achinarlisi, CHiro Immobile bahsni o'tkazib yuboradi. "Lacio"ning eng yaxshi to'purari o'rnini jamoaviy tarzda to'ldirishga urinib ko'rishadi. Hujumda Pedro-Cakanya-Felipe Anderson uchligini ko'rishimiz mumkin. Ularning orqasida Luis Alberto joy olish ehtimoli bor. Allegrida ham muammolar talaygina: terma jamoa uchrashuvlari vaqtida kichik jarohat olgan Bernardeski, Dibala va Kellini maydonga tushishi so'roq ostida turibdi. Hujumda katta ehtimol bilan, Keza va Moratani ko'rishimiz mumkin. Markazda esa Rabo, Makkeni va Lokatelli o'ynaydi.
So'nggi o'zaro uchrashuvda "Yuventus" uyda 3:1 hisobida "Lacio"ni mag'lubiyatga uchratgandi. Intriga juda kuchli, bukmekerlar "Yuventus"ni favorit deb aytishmoqda. Umuman olganda, "burgutlar"ning muammolarini hisobga olsak, bu fikrga to'liq qo'shilish mumkin, biroq nima bo'lgan taqdirda ham, uchrashuv kurashlarga boy o'tadi.
"Fiorentina" - "Milan"
Vinchenco Italyano jamoasida "Milan"ga qarshi o'yin oldidan tarkib bilan bog'liq jiddiy muammolar bor. Himoya ustunlari — Milenkovich va Nastasich bahsni o'tkazib yuboradi, Igor-Venutti duetini esa ko'rishimiz mumkin. SHuningdek, sariq kartochkalar soni ko'pligi sabab, Martines ham maydonga tusha olmaydi. Pulgar esa hamon jarohatini davolash bilan band. Hujumda Vlaxovich, zaxiradan esa Aleksandr Kokorin o'ynashi kutilmoqda.
Pioli jamoasida ham qator jarohatlar bor, lekin raqibiga qaraganda, vaziyat biroz yaxshiroq. Rebich hali to'liq tuzalmadi, shu sababli, Jiruning ortida Salemarkis va Leao o'ynaydi. Markazdan esa Kessiee-Tonalli juftligi o'rin oladi.
So'nggi o'zaro uchrashuvda yaxshigina jang bo'lgan va "Milan" 3:2 hisob bilan g'alabani ilib ketgandi. Bu galgi o'yinda "rossoneri" favorit sanalmoqda.
"Inter" - "Napoli"
Stefan De Vrey termadan jarohat bilan qaytdi. SHuningdek, Bastoni ham o'yinni o'tkazib yuborishi mumkin, yakuniy qaror o'yin kuni qabul qilinishi malum qilindi. Aleksis Sanches esa uchrashuvda ishtirok etmasligi aniq bo'lib ulgurgan. Hujumda biz yana Jeko-Lautaro juftligini ko'ramiz, orqaroqda esa derbida hisobiga gol yozdirib qo'ygan CHalxanoglu. "Napoli"da ham yo'qotishlar bor, Kulibali va Insinening maydonga tushishi so'roq ostida bo'lsa, Demme va Unas jamoasiga yordam bera olmasligi aniq. Hujumda esa termadan "charchab qaytgan" Lozano o'rniga Politanoni ko'rishimiz mumkin.
Oxirgi o'zaro uchrashuvda tomonlar 1:1 durangga rozi bo'lishgan. Bu safar bukmekerlar ustunlikni "Inter"ga berishmoqda. To'g'ri, milanliklar uyda o'ynaydi, biroq "Napoli" hujumini inobatga olsak, "Inter"ning himoyadagi muammolari qimmatga tushishi mumkin.
"Jenoa" - "Roma". SHomurodov "Jenoa"ga qarshi
Andrey SHevchenkoning birinchi rasmiy uchrashuvidayoq "Jenoa"ga oson bo'lmasligi aniq. Bunga nafaqat raqib kuchi balki mezbonlar tarkibidagi muammolar ham sabab bo'ladi. Ukrainalik mutaxassis asosiy tarkibni tanlashi emas, deyarli bor imkoniyatidan foydalanishiga to'g'ri keladi. Qishki transferlar oynasini ayniqsa, Genuyada intiqlik bilan kutishmoqda. Joze Mourinoning tarkib bilan muammolari birmuncha kamroq, lekin "Verona"dan uchralgan mag'lubiyat savollarni ancha ko'paytirib yubordi. Hujum chizig'ida yana SHomurodov va Abraxam duetini ko'rishga umid qilamiz. Sababi, bu juftlik "Verona"ga qarshi o'yinda o'zini ko'rsata oldi, yarim himoyada esa rotaciyasiz ish bitmasa kerak.
Ushbu raqibga qarshi so'nggi bellashuvda "Roma" 1:0 hisobida zafar quchgan. Bu safar ham bukmekerlar "bo'rilar"ga ishonishmoqda. Biroq shoshilmaslikni maslahat bergan bo'lardik, sababi SHevchenkoning A Seriyaga qaytishi shunchaki o'tib ketadigan hodisa emas. O'tgan qisqa vaqt mobaynida u qandaydir muhim qarorlar qabul qilib ulgurganiga ishongimiz keladi. Bizni murosasiz kurash kutib turibdi.
Sergey Rumyancev
Nozima Zaripova tarjimasi
Bosh sahifaga
103
