"Championat.asia" sayti o'z ananasiga sodiq qolgan holda yilning eng yaxshilarini aniqladi.
Demak, "Championat.asia" talqiniga ko'ra, yilning eng yaxshi darvozaboni - Abduvohid Nematov ("Nasaf").
"Nasaf" darvozaboni Abduvohid Nematov bu yilni ko'tarinki kayfiyatda o'tkazdi. "Nasaf"ni o'z paytida Eldorbek Suyunov, Sanjar Quvvatov, O'tkir Yusupov kabi posbonlar tark etgan bo'lishiga qaramay, klub darvozabondan qiynalib qolmadi. Bu yil esa Abduvohid yarq etib porladi. U bir nechta o'yinlarda jamoasini muqarrar gollardan saqlab qoldi, shuningdek "Qo'qon-1912" bilan kechgan bahsda Murod Xolmuhammedovning penaltidan yo'llagan zarbasini qaytarishga muvaffaq bo'ldi. Nematov O'zbekiston milliy terma jamoasida ham debyut qilishga muvaffaq bo'ldi. Nematov chempionatda eng ko'p quruq o'yin o'tkazgan darvozabon bo'ldi. Abduvohid Rahimjon Davronov ("Mashal") va O'tkir Yusupov ("Navbahor") kabi posbonlarni ortda qoldirdi.
Superligadagi statiskasi: 17 o'yin, 1465 daqiqa, 10ta gol o'tkazdi. 12ta quruq o'yin, 1ta penalti qaytardi.
Tez orada "Championat.asia"ning yosh kiperga atalgan eksklyuziv maxsus sovg'asi o'z egasiga topshiriladi.
"Championat.asia" talqini: Yilning eng yaxshi yosh futbolchisi - Husayin Norchaev
Bosh sahifaga
349