Superliga. Penaltilar hisobdan chiqarilsa, kim to'purar bo'ladi? (Jizzaxdagi o'yin haqida 11 fakt)

2. SHohruz Norxonov Superligadagi qatorasiga 2-mavsumida 10+ gol urdi. 

3. Jamoalar 3-marta durangga imzo chekishdi. SHuningdek, o'zaro o'yinlarda "Nasaf"ning hisobida 33, "So'g'diyona"nikida 8 ta g'alaba bor.

4. "So'g'diyona"ning 11-o'yini durang bilan tugadi. Bu 2021 yilgi mavsumda barchadan ko'proq.

5. Jizzax klubi bu mavsum eng kam gol o'tkazgan jamoalardan biri bo'lib turibdi ("Navbahor" bilan birga - 15).

6. Ulug'bek Baqoev shogirdlari bu yil o'z maydonida mag'lub bo'lmagan 3 jamoadan biri hisoblanadi ("Paxtakor" va "Bunyodkor" bilan). "So'g'diyona" Jizzaxdagi so'nggi mag'lubiyatini o'tgan yilning 11 sentyabrida "Mashal"dan qabul qilib olgan edi.

7. Bu mavsum faqatgina 2 klub "So'g'diyona"dan 4 ochko ola bildi: "Lokomotiv" hamda "Nasaf".

8. PFL rasmiy saytining malumotlariga ko'ra, mezbonlar himoyachisi Sardor Qulmatov mavsumdagi 4-sariq kartochkasini oldi va 26-tur doirasidagi AGMK bilan o'yinni o'tkazib yuboradi.

9. Husayn Norchaev to'purarlar poygasida Temurxo'ja Abduxoliqovga etib oldi (12). Ulardan oldinda faqatgina Dragan CHeran bor (16). 

10. To'purarlar poygasida penaltidan urilgan gollar hisobdan chiqarilsa, Norchaev eng yaxshi "bombardir"ga aylanadi. U 12 golining 11 tasini o'yindan kiritgan. Bu borada Husayndan boshqa hech kim o'nlik dovondan o'ta olmadi.

11. "Nasaf"ning mag'lubiyatsiz o'yinlar seriyasi 9 ta o'yinga etdi. "Ajdarlar" so'nggi bor avgust oyining oxirida "Navbahor"ga imkoniyatni boy berishgan edi.

"Bo'rilar" ham, "qaldirg'ochlar" ham xursand bo'lishdi