"Championat.asia" sayti o'z ananasiga sodiq qolgan holda yilning eng yaxshilarini aniqladi.
Demak, "Championat.asia" talqiniga ko'ra, yilning eng yaxshi futbolchisi - Jaloliddin Masharipov ("Paxtakor").
Ancha yillardan buyon "Paxtakor"ning almashtirib bo'lmas o'yinchisi Jaloliddin Masharipov 2020 yilgi mavsumda ham ajoyib o'ynadi. "Paxtakor" etakchisi mavsumni bir notada o'tkaza oldi. Masharipov Superliganing 23ta bahsida maydonga tushib, 6 bor gol muallifi bo'ldi. Lekin 14ta golli pas amalga oshirib Superligadagi eng yaxshi natijani qayd etdi.
Masharipov yil futbolchisi bo'lishda Dragan CHeran, Oybek Bozorov, Odil Hamrobekov va Bobir Abdixoliqov kabi futbolchilarni ortda qoldirdi.
Superligadagi ko'rsatkichi: 23 o'yin, 1940 daqiqa, 6ta gol, 14ta golli pas.
Bugun "Paxtakor" klubining mavsum yakunlariga bag'ishlangan maxsus bayram tadbiri bo'lib o'tmoqda. "Championat.asia"ning Jaloliddinga atalgan eksklyuziv maxsus sovg'asi ana shu tadbir davomida o'z egasiga topshiriladi.
"Championat.asia" talqini: Yilning eng yaxshi to'purari - Dragan CHeran
"Championat.asia" talqini: Yilning eng yaxshi darvozaboni - Abduvohid Nematov
"Championat.asia" talqini: Yilning eng yaxshi yosh futbolchisi - Husayin Norchaev
Bosh sahifaga
474