Superliganing 25-turida "Lokomotiv" mehmoni bo'lgan "Paxtakor" yirik 3:0 hisobida g'alabani o'ziniki qildi. O'yindagi barcha uchta gol ilk daqiqalardan boshlab harakat qilgan Xojimat Erkinov hisobiga yozildi. Oldinda jamoani "Bunyodkor" bilan O'zbekiston kubogi yarim finalida kechadigan yana bir Toshkent derbisi kutib turibdi. Ushbu bahs oldidan Xojimat Erkinovning fikrlari bilan qiziqdik.
- Toshkent derbisida jamoani nima bunchalik oldinga siljishga va g'alaba sari ruhlantirdi? CHunki jamoa allaqachon chempionlikni rasmiylashtirib bo'lgan, qolgan bahslarni esa bosimsiz, bemalol o'tkazishi tabiiy hol edi...
- Bilasiz, "Paxtakor"ning "Lokomotiv", "Bunyodkor"ga qarshi o'tkazgan o'yinlari oldindan qiyin bo'lib kelgan. Har qanday holatda ham derbi muhimliligini yo'qotmagan. Bunda O'zbekistonning eng kuchli jamoalari to'qnash keladi. SHu narsa bizga motivaciya berdi, deb o'ylayman.
- "Lokomotiv" darvozasiga 3ta gol urishni o'ylaganmidingiz?
- Buni o'ylamgandim. Lekin, ikkinchi golni urganimdan so'ng dublni xet-trikka aylantirish istagi tug'ildi. Xudoga shukur nasib qilganidan xursandman.
- Oldinda jamoani "Bunyodkor"ga qarshi ikkita o'yin kutib turibdi? Sizningcha qaysi biri qiyin o'tadi, kubok yoki Superliga?
- O'zbekiston kubogi qiyin o'tadi. CHunki final yo'llanmasi bitta o'yinda hal bo'ladi. Muhimlilik darajasini olib qaraganda ham kubok bahsi ustunroq. Maqsadimiz mazkur musobaqada ham g'olib chiqib uchinchi sovrinni qo'lga kiritish.
- Bu yilgi mavsumdagi harakatlaringizdan ko'nglingiz to'lyaptimi? Jarohatlar qanchalik o'z imkoniyatlaringizni yuz foiz ko'rsatishga to'sqinlik qildi?
- Qisman to'lyapti. Orada jarohatlarni hisobga olmaganda mavsum yaxshi o'tyapti. Bu bilan to'xtab qolish faqat zarar keltiradi. Mehnat qilish, oldinga intilishda davom etaman.
Abdulaziz Iskandarov yozib oldi
Bosh sahifaga
577
19 Avgust 2026, 06:17