Mavsumni "So'g'diyona-W" va "Bunyodkor-W" jamoalari o'rtasida Jizzaxda o'tgan o'yin tugatib berdi. Bu jamoalar ertaga yana bir bor to'qnash kelishadi. Bu final!
O'zbekiston kubogi. Final
23-noyabr, seshanba
BUNYODKOR-W – SO'G'DIYONA-W
Hakamlar: Rustam Lutfullin, Sardor Nishonboev, Avaz Abdullaev, Husan Muzaffarov
Nazoratchi: Oleg Dachev
Komissar: SHohruh Said.
Mazkur bahsga SHerali Boboqulov boshchiligidagi "So'g'diyona-W" jamoasi o'zgacha kayfiyatda tayyorgarlik ko'rmoqda. Boisi shundaki, garchi Jizzax klubi O'zbekiston chempionatining oltin medallariga ega chiqqan bo'lsa ham, bu yil o'tkazilgan 3 ta uchrashuvda "Bunyodkor" qizlarini mag'lub qila olmadi (2 mag'lubiyat, 1 durang).
Elmira Gulyamova boshchiligidagi "qaldirg'ochlar" esa maydonda "bo'rilar"dan kuchliroq ekanini yana bir bor isbotlash orqali mamlakat kubogini o'ziniki qilishi mumkin.
Finalga yo'l
Ayollar kubogi bahslari nimchorak final bosqichidan start oladi. SHerali Boboqulov shogirdlari bu bosqichda Farg'onaning "Neftchi" klubi qizlari darvozasiga javobsiz 17 ta to'p kiritishgan edi. CHorak finalda esa Qarshining "Sevinch" jamoasi dog'da qoldirildi (2:0). Final chiptalari uchun o'tgan o'yinda "So'g'diyona-W" "Navbahor" darvozasiga javobsiz 11 ta gol urdi.
"Bunyodkor-W" esa o'tgan mavsum chempioni sifatida kubokdagi yurishini chorak finalda boshlab, AGMKni 2:1 hisobida mag'lub qildi. Yarim finalda esa Bekobodning "Metallurg"i minimal hisobda dog'da qoldirildi.
Malumot uchun, turnirning yakuniy bahsi ertaga "Bunyodkor" stadionida o'tkaziladi. Uchrashuv Toshkent vaqti bilan 16:00 da start oladi.
M. Kushbakova tayyorladi
Bosh sahifaga
291
