O'yin haqida
- Jamoamga etiroz yo'q. Yigitlarga o'yin uchun rahmat aytdim, kiyinish xonasida ularni ruhlantirdim. "Paxtakor" juda kuchli jamoa, buni o'yinda ham ko'rsatib berishdi. Tarkibida xalqaro maydonlarda harakat qilgan tajribali futbolchilari bor. Bundan tashqari "Paxtakor"da o'zim o'ynaganman, shu klubda nom qozonganman. SHu sababli bugungi mag'lubiyat menga dalda bo'lib turibdi.
Bizning futbolchilar yaxshi harakat qilishdi. Yana bir bor "Paxtakor"ni g'alaba bilan tabriklayman. Penaltilar seriyasi bu - lotoreya. Ushbu lotoreyada biz yutqazib qo'ydik.
- O'yindagi hakamlik haqida fikringiz qanday? Ular o'yin natijasiga tasir ko'rsatadigan qarorlar qabul qilishmadimi?
- Hakamlar haqida mavsum davomida umuman gapirmadim. Bu borada bir marta "emagan somsam uchun" pul to'lab bo'ldim. Ularni nazorat qiluvchi qo'mita bor. Juda qo'ymasangiz aytaman, bugungi o'yindagi hakamlik uchun etirozim yo'q. Akobirxo'ja SHukurillaev yaxshi inson va unga omad tilayman.
Bosh sahifaga
164
