Ushbu sahifada uchrashuvning matnli translyaciyasini kuzatib borishingiz mumkin.
YANGILASH
61-daqiqa. O'zgarish! Imkoniyatdan foydalanib qolay deb Karlo Anchelotti ham Ferlan Mendi o'rniga Marseloni o'yinga tashladi.
60-daqiqa. O'zgarish! Dimitris Kolovos o'rnini Boban Nikolovga bo'shatib berdi.
59-daqiqa. O'zgarish! Bruno Souza o'rniga Keston Julen tushdi.
"Real"ga muxlis bo'lmagan o'zbekistonlik futbol ishqibozlari buyog'iga faqatgina Jasur Yaxshiboev tusharmikin va tushsa, biror samarali harakat amalga oshirib ulgurarmikin deb kutadilar. O'yin taqdiri uzil-kesil hal bo'ldi deb, endi ishonch bilan aytish mumkindek.
55-daqiqa. GOOOOOOL! Karim Benzemadan dubl! Franciyalik futbolchi chempionatda urmagan gollarini bugun urmoqda.
54-daqiqa. "Real" navbatdagi hujumni uyushtirmoqda.
53-daqiqa. Yana fol, bu safar Kroosga nisbatan qoida buzildi.
52-daqiqa. "Real"ning hujumi Mendining qo'polligi sabab uzilib qoldi.
50-daqiqa. Har ikki qanotlardan o'tib, markazga etib kelgan to'pga "SHerif" vakili zarba berdi, lekin noaniq.
48-daqiqa. Dani Karvaxal raqibiga nisbatan qoidani buzdi.
"SHerif" ikkinchi bo'limni faolroq boshlagandek.
46-daqiqa. Ikkinchi bo'lim boshlandi!
Bo'ldi, shu pallada hakam jamoalarni tanaffusga taklif qildi.
45+1-daqiqa. GOOOOOOOL! Ajoyib kombinaciyani Toni Kroos munosib zarba bilan yakunlab berdi. Mehmonlar birinchi bo'limdayoq farqni ikkitaga oshirib qo'yishdi. Mezbonlar to'p darvoza chizig'ini kesib o'tmagandi deya etiroz bildirganiga javoban hakam maxsus soatini ko'rsatdi.
45-daqiqa. Birinchi bo'limning asosiy vaqtiga 1 daqiqa qo'shib berildi.
44-daqiqa. Krishtiano to'p uchun kurashda Kroosga nisbatan qo'pol o'ynadi.
43-daqiqa. Hozir bir daqiqa ichida har ikki jamoa o'ta xavfli vaziyatga ega bo'lishi mumkin edi, ammo har safar to'p oshirishdagi xatolar sabab himoyalanayotganlar to'pni olib qo'yaverdi.
41-daqiqa. Himoyachilar hujumda... Ferlan Mendining uzatmasidan Dani Karvaxal gol urishiga santimetrlar etmadi.
40-daqiqa. "SHerif" vakili oddiy vaziyatda to'pni maydon tashqarisiga yo'lladi.
38-daqiqa. "SHerif" anchadan buyon birinchi bor katta kuch bilan, ko'pchilik bo'lib hujumga keldi, biroq oxirgi zarbaga aniqlik etishmadi.
35-daqiqa. "Real" to'pni o'z nazoratida ushlab turibdi.
33-daqiqa. Vinisius to'p raqibga tegib, maydondan chiqib ketganiga ishonchi komil, lekin hakamning fikri boshqacharoq.
30-daqiqa. GOOOOOOL! David Alaba hisobni ochmoqda. To'p yo'l-yo'lakay himoyachi oyog'iga tegib, yo'nalishini biroz o'zgartirgan va bu darvozabonni chalg'itib qo'yganini ham etirof etish zarur.
28-daqiqa. Kazemiroga nisbatan jarima maydonchasi yonginasida qoida buzildi. Xavfli nuqta va "Real" futbolchilari hisobni ochishi mumkin.
O'z navbatida oldinda "SHerif"dan faqatgina Adama Traore qolyapti va u Alaba-Militao juftligi bilan kurashda ustun kelishi qiyin bo'lyapti.
26-daqiqa. Bugun mezbonlar Karim Benzema va sheriklariga o'ylashga, qulay imkon yaratishga umuman vaqt qoldirmaslikka urinishmoqda.
24-daqiqa. Ikkinchi to'lqin bilan davom etgan hujum, darvozabon maydonchasi tomon yo'llangan to'pga Benzema zarba berdi, ammo unga raqiblardan ko'ra ko'proq Kazemiro halaqit qilib qoldi va Karim mo'ljalda adashdi.
23-daqiqa. Bu safar ham Rodrigo faollik ko'rsatdi, lekin uchinchi raqib to'pni uning oyoqlari ostidan tepib yubordi.
19-daqiqa. Rodrigo to'pni oldirgach, mehmonlar jamoaviy pressing uyushtirib uni tezda qaytarib olishdi, lekin raqib himoyasini yorib o'tishning hozircha imkoni bo'lmayapti.
18-daqiqa. Xavfli vaziyat! O'ng qanotdan rivojlantirilgan hujumni Rodrigo aniq zarba bilan yakunlab berdi, biroq Atanasiadis ishonchli harakat qildi.
16-daqiqa. To'pni qaytarib, egallashga muvaffaq bo'lgan "SHerif" futbolchilari xavfli qarshi hujumga qochib ketishlariga Dani Karvaxal yo'l qo'ymadi.
15-daqiqa. Vinisius jamoasi uchun birinchi burchak zarbasini ishlab bermoqda.
14-daqiqa. Rodrigo raqibini dog'da qoldirgandi, darhol yiqitildi.
13-daqiqa. Yana mezbonlar burchak zarbasini amalga oshirdi, ammo bu safar ham naf chiqara olishmadi va hujumni boshidan boshlashga to'g'ri kelmoqda.
Karim Benzema to'pni qaytarishda faollik ko'rsatdi.
12-daqiqa. Ferlan Mendi to'pni maydon tashqarisiga chiqarib yuborishga majbur bo'ldi. Burchak zarbasi.
11-daqiqa. David Alaba to'pga eta olmadi va o'yin qoidasini buzdi.
Takroriy lavha chindan francuz darvozaga himoyachilardan ko'ra yaqinroqligi ko'rindi.
10-daqiqa. GOOOOOOL! Karim Benzema chaqqonlik qilib, qaytgan to'pga birinchi bo'lib etib keldi, lekin o'yindan tashqari holat...
8-daqiqa. Xavfli vaziyat! Rodrigoning faolligidan keyin raqib jarima maydonchasida xavfli vaziyat yuzaga keldi, lekin himoyachilar amallab to'pni qaytarishdi.
6-daqiqa. To'p uchun kurash kechmoqda va to'p goh u jamoaga, goh bunisiga o'tmoqda.
5-daqiqa. "SHerif" qo'rqmay to'pni darvozaboni bilan o'ynab, himoyadan olib chiqishga urindi, ammo markazga yaqin hududda uni baribir oldirib qo'ydi.
4-daqiqa. Uzatmadan keyin himoyachilar to'pni osonlik bilan qaytarishdi.
3-daqiqa. Ferlan Mendi qanotda raqibini o'tkazib yubormaslik uchun qoidani buzdi. Hakam jarima zarbasi belgiladi.
"SHerif" mezbon sifatida ilk daqiqani faol o'tkazdi va hujum uyushtirishga ham ulgurdi, ammo zarbagacha ish etib bormadi.
1-daqiqa. O'yin boshlandi!
Futbolchilar maydonga chiqib kelishmoqda.
Jamoalarning asosiy tarkiblari malum bo'lib ulgurgan. Hozircha hamyurtimiz Jasurbek Yaxshiboev zaxira o'rindig'ida qoldirildi. Lekin u albatta maydonga tushadi deb umid qilamiz va balki yana "Qirollik klubi" darvozasini ishg'ol qilishni ham uddalar.
"SHerif" (Moldova) – "Real Madrid" (Ispaniya)
25 noyabr, 01.00, "SHerif"
"SHerif" – Atanasiadis, Fernando, Arboleda, Dulanto, Kristiano, Kolovos, Till, Bruno, Addo, Traore, Kastaneda.
"Real Madrid" – Kurtua, Karvaxal, Alaba, Militao, Mendi, Modrich, Kroos, Kazemiro, Benzema, Vinisius Junior, Rodrigo.
 FC Sheriff | Champions League Grp. D . 5-tur 25/11/2021, 01:00 3 : 0 2-bo'lim |  Real Madrid David Alaba - 30', Toni Kroos - 45', Karim Benzema - 55' |
Stadion: Sheriff Stadium
Bosh hakam: Szymon Marciniak
Bosh sahifaga
185
