AGMK — «Nasaf» uchrashuvini teleekran orqali tomosha qilgan ko'plab tomoshabinlarda OKMK sport majmuasi maydoni holati yoqmagani, xususan chim sarg'ayib qolgani ko'plab etirozlarni uyg'otdi.
Klub rahbariyati futbolga ixtisoslashgan saytlardagi muxlislar fikrini o'qib, maydon holati haqidagi turli munosabatlarni to'g'ri qabul qildi. Rahbariyat asl holatni esa muxlislarga tushuntirishni lozim topdi.
Birinchidan, bugunoq kelasi mavsum uchun OKMK sport majmuasi maydonini to'liq yangilash borasida tegishli mutaxassislarni Olmaliqqa jalb qilib, muzokaralar o'tkazildi.
OKMK sport majmuasining hozirgi maydoni 2013 yilda yotqizilgan va hozirgacha O'zbekistondagi yagona gibrid maydon hisoblanadi. Bugunga kunga qadar ushbu maydon O'zbekistondagi eng yaxshi maydonlardan biri bo'lgan va jamoaga 9 mavsum optimal holatda xizmat qildi. AGMK jamoasi maydoni mavsum startidan toki kuzgi mavsumga qadar doim optimal holatda bo'lgan. Yani martdan sentyabrga qadar optimal sharoitdagi maydon chimi yam-yashil holatda bo'lgan. Biroq oxirgi mavsumda kuzgi faslga kelib Olmaliqdagi iqlim tasirida maydon chimi ajriq aralash sarg'ayib qolgan. Bu jihat esa albatta yangi mavsumda to'liq to'g'rilanishi ko'zda tutilgan. Lekin shuni aytish kerakki, garchi maydon chimi ranggi sarg'ayib qolgan bo'lsada, bu jihat maydon sifatiga putur etkazmagan. SHu paytga qadar hech bir jamoa vakillari yoki murabbiylar Olmaliqdagi maydon bo'yicha etiroz yoki shikoyat qilmagani ham bunga tasdiq bo'lib turibdi.
Kelasi mavsumdan etiboran maydon chimi butkul yangilanib, OKMK sport majmuasida yurtimizdagi yagona bo'lgan yana yangi gibrid maydon yotqiziladi.
OKMK sport majmuasi maydonining may oyidagi holati
OKMK sport majmuasi maydonining avgust oyidagi holati
OKMK sport majmuasi maydonining sentyabr oyidagi holati
Bosh sahifaga
188
