24 yoshli vinger kataloniyaliklarning yangi shartnoma bo'yicha taklifini hali qabul qilgani yo'q.
"Barsa" futbolchiga hozirgi moliyaviy imkoniyatlar doirasidagi eng jozibador taklifni bildirgan, biroq Usmon va uning agenti buni etarlicha deb hisoblamaydi.
Manbaning xabariga ko'ra, ayni damda Usmon uchun "Nyukasl" favorit hisoblanadi. Klub francuz o'yinchisiga yiliga 15 million evro maosh, yana 15 million evro shartnoma imzolagani uchun bonusi hamda agentga yaxshigina komissiya summasi taklif qilmoqda. Futbolchiga "Manchester Yunayted" ham qiziqish bildirmoqda.
Kataloniyaliklar murabbiyi Xavi shartnomasi 2022 yilning yoziga qadar bo'lgan futbolchini o'zida saqlab qolish istagi kuchli, biroq "Barselona"ning barcha urinishlariga qaramay, Dembele agentining maslahatiga ko'ra, jamoani tark etish haqida o'ylamoqda.
"Barselona" 2017 yilning yozida Dembeleni Dortmundning "Borussiya"sidan 105 million evro evaziga sotib oldi.
Dembele ushbu mavsumda Evro-2020'da olgan jarohati tufayli "ko'k-anorranglilar" safida atigi 2 ta o'yin o'tkazdi.
Bosh sahifaga
1873