Bahrom Haydarov: "10 kishi bo'lib qolgan bo'lsak-da, hisobni saqlab qoldik va vazifani bajardik"

- O'yin haqida 

- Bugungi o'yin natijasi ikki jamoa uchun ham juda muhim edi. CHunki Superligada qolish uchun kurash bo'ldi. Uchrashuv teng kurashlar ostida o'tdi deb o'ylayman. 10 kishi bo'lib qolgan bo'lsak-da, hisobni saqlab qoldik va vazifani bajardik. Yigitlarga, jamoa xodimlari va rahbariyatiga rahmat. Butun Surxondaryo xalqini, muxlislarini g'alaba bilan tabriklayman!

- Mavsum boshidan buyon Bahrom Haydarov faoliyati xususida ishonchsizlik bor edi. O'sha ishonchsizlik bugun sezilmadi. Sizni mavsum davomida tanqid qilgan muxlislar yoki mutaxassislar haqida fikringiz?

- Albatta, har bir murabbiy doim tanqid ostida qoladi. Bu juda yaxshi narsa deb o'ylayman. Ishlashdan to'xtamaymiz. Biz halol mehnat qilib, Xudoga shukrki, vazifamizni bajardik. To'g'ri, 10-o'rin zo'r natija emas. Lekin yoshlardan va o'tgan yili o'zini ko'rsata olmagan futbolchilardan iborat yangi jamoa tuzilgandi. Hozir bir nechta futbolchimizga takliflar kelib tushmoqda, bu o'ylaymanki, hamma borini berib, mehnat qilgani samarasi.  

- "Surxon" klubi jamoani yoshartirish yo'liga o'tdi. Keyingi mavsumda ham shu tizim asosida ish olib boriladimi?

- Albatta, agar akademiyalar qurilsa, bog'liqlik bo'lsa, uzilish bo'lmasa, shunday bo'ladi. O'ylaymanki, shu yo'ldan boriladi.