Gap shundaki, tashkilot qoshida Tibbiy qo'mita ish boshladi hamda qo'mita raisi etib malakali shifokor Abror Pirriev tayinlandi. "Lokomotiv" Superliga oxirgi turini Qarshida "Nasaf"ga qarshi o'tkazganidan foydalanib, Abror Pirriev Qashqadaryo viloyat futbol mahorat maktabi o'quvchilari bilan uchrashdi.
Futbol mahorat maktabiga tashrif buyurgan O'FA Tibbiy qo'mita raisi Abror Pirrievga Qashqadaryo viloyat futbol mahorat maktabining sport ishlari bo'yicha direktor o'rinbosari Nasim SHoimov hamda ushbu maktab shifokori Roman Baratov hamrohlik qildi. Uchrashuv chog'ida Pirriev yosh futbolchilarga to'g'ri sport rejimiga amal qilish, jarohat olmaslik uchun nimalarga etibor qaratish, yoshlarning sog'lom tarbiya topishlarida qaysi taomlardan ko'proq istemol qilishi mavzusida o'z maslahatlarini berdi.
O'z navbatida yosh futbolchilar ham malakali shifokorga bir nechta savollar bilan murojaat etishdi. Uchrashuv futbol mahorat maktabi o'quvchilarida iliq taassurot qoldirdi.
Bosh sahifaga
171
