Samarqanddagi bahsni Ahrol Risqullaev boshqarishi malum qilingan edi. Bu 36 yoshli arbitr uchun ilk final.
O'zbekiston Coca-Cola kubogi. Final
4 dekabr, shanba
PAXTAKOR – NASAF
Hakamlar: Ahrol Risqullaev, Timur Gaynullin, Andrey Capenko, Rustam Lutfullin
Nazoratchi: Vladislav Ceytlin
VAR hakami: Ilgiz Tantashev
VAR assistent: Jahongir Saidov
VAR nazoratchisi: Valentin Kovalenko
Komissar: Aleksandr Davidenko.
Tarixga nazar solsak, O'zbekiston kubogining ortda qolgan 28 finalida 15 nafar bosh hakam ishlaganiga guvoh bo'lamiz. Ilk finalda (1992 yil) ishlash baxti marhum Gali Imomovga nasib qilgan edi.
Rekord
O'zbekiston kubogi finallarida ishlash borasida mundiallar rekordchisi Ravshan Ermatovning oldiga tushadigani yo'q. Uning hisobida 5 ta final bor. Keyingi pog'onaga 4 tadan o'yin bilan Gali Imomov hamda Noil Lutfullin yozilgan.
SHuningdek, Ravshan Ermatov qatorasiga finallarda ishlash bo'yicha ham mutlaq rekordchi hisoblanadi (4). 2010-2013 yilgi mavsumlar hal qiluvchi bahslarining barchasini aynan Ermatov boshqargan edi.
Xorijlik referilar
Mamlakat kubogining hal qiluvchi o'yinida 2 bor chet ellik hakamlar ishlagan edi. Aniqroq aytsak, 2014 yil yakunida o'tgan "Lokomotiv" 1:0 "Bunyodkor" o'yinini Kim Dong Jin (J. Koreya) boshqargan. 2017 yilda poytaxtning yana o'sha klublari o'rtasida "Bunyodkor" stadionida o'tkazilgan va 3 yil oldingi hisob takrorlangan bahsda BAA vakili Muhammad Abdulla Hasan ishlagan.
Eng qattiqqo'l
Finallarda eng ko'p sariq kartochka Ravshan Ermatovning cho'ntagidan chiqqan (20 marta) bo'lsa, qizil kartochka ko'rsatish borasida Gali Imomov hamda Noil Lutfullin etakchi bo'lgan (2 tadan). Ammo penalti belgilash bo'yicha Temur To'xtasinov barchadan oldinda (2). U 2018 yilning 28 oktyabr kuni Farg'onada o'tkazilgan AGMK 3:1 "Paxtakor" bellashuvida har ikki jamoa darvozasi tomon 11 metrli jarima zarbasi belgilagan.
To'liq statistika
| final | s-k | q-k | pen | ||
|---|---|---|---|---|---|
| 1 | Ravshan Ermatov | 5 | 20 | 1 | 1 |
| 2 | Gali Imomov | 4 | 14 | 3 | 0 |
| 3 | Noil Lutfullin | 4 | 14 | 3 | 0 |
| 4 | Marat Ismoilov | 2 | 12 | 2 | 0 |
| 5 | Rustam Saidov | 2 | 11 | 1 | 0 |
| 6 | Rashid Aytekov | 1 | 8 | 0 | 0 |
| 7 | G'ayrat Karimov | 1 | 6 | 0 | 0 |
| 8 | SHerzod Qosimov | 1 | 4 | 0 | 1 |
| 9 | Kim Dong Jin | 1 | 3 | 1 | 0 |
| 10 | Muhammad Abdulla Hasan | 1 | 5 | 0 | 0 |
| 11 | Sardor Najafaliev | 1 | 4 | 1 | 1 |
| 12 | Dilshod Asimov | 1 | 3 | 0 | 0 |
| 13 | Dmitriy Roman | 1 | 3 | 0 | 0 |
| 14 | Temur To'xtasinov | 1 | 5 | 0 | 2 |
| 15 | Vladislav Ceytlin | 1 | 4 | 1 | 0 |
| 16 | Ahrol Risqullaev | - | - | - | - |
Final. "Nasaf" "Paxtakor" bilan nechanchi marta to'qnashadi?
Faxriddin Ro'ziev tayyorladi
Bosh sahifaga
171
