Rangnik Ronaldu haqida: "Men hech qachon 36 yoshli futbolchini bunday holatda ko'rmaganman. U baribir o'yinlar natijasini bemalol hal qila oladi"

"Siz har doim futbol uslubingizni yoki g'oyalaringizni o'yinchilaringizga qarab moslashtirishingiz kerak.

36 yoshli Ronalduning ikkinchi bo'limda "Arsenal"ga qarshi o'yinini ko'rdim, u professional darajada. Uning yoshidagi futbolchini bunday jismoniy holatda ko'rmaganman. Krishtianu baribir o'yinlar natijasini bemalol hal qila oladi.

Lekin gap faqat u haqida emas, gap butun jamoani rivojlantirish masalasida ketmoqda. Kecha ko'rganlarimga asoslanib, Krishtianu jamoa uchun bor kuchini berishga tayyorligini angladim", - dedi Rangnik.