 Paxtakor | O'zbekiston kubogi. 3-tur 04/12/2021, 16:00 - : - Boshlanmadi |  Nasaf |
"Dinamo" o'yingohi — shu nom bilan ataluvchi Samarqand viloyati bosh jamoasining uy stadioni. 1958 yilda tashkil etilgan "Dinamo" klubi 50 yildan ziyodroq vaqt davomida ayni o'yingohda to'p surib kelmoqda (2007 va 2011 yillar mustasno).
Stadion 1962 yilda qurilgan, o'sha paytlari sig'imi 16 ming nafar tomoshabinga mo'ljallangan edi. 2012 yilda esa zaminaviy tarzda rekonstrukciya qilingan arenaning bag'ri kichrayib, 13 800 nafar muxlisga joy bera boshladi.
Malumot uchun, mamlakat kubogi finali 3-bor Samarqandga ishonib topshirildi. Tarixga nazar solsak, finallar tarixi aynan "SHarq gavhari"dan boshlanganiga guvoh bo'lamiz:
1992. "Navbahor" 0:0 "Temiryo'lchi" (hozirgi "Qo'qon-1912"). Penaltilar seriyasi - 6:5.
2016. "Lokomotiv" 1:0 "Nasaf".
O'zbekiston kubogining dastlabki final yakuniy o'yinini 7 000 nafar ishqiboz "Dinamo" stadionidan kuzatgan bo'lsa, 2016 yilda 8 150 nafar tomoshabin arenaga tashrif buyurgan edi.
Tomoshabinlarning 2021 yildagi statistikasiga etibor qaratsak, "Dinamo" o'yingohiga tashrif o'rtacha 2000 kishidan pastga tushgani yo'q. Agar navbatdagi bellashuvning final maqomidaligini inobatga olsak, bu miqdor sezilarli ravishda oshishi mumkin. SHuningdek, "Nasaf" hamda "Paxtakor" jamoalari o'rtasidagi o'yinlarning har doim keskin va murosasiz kechishi ham uchrashuvga qiziqishni orttirishi bor gap. Bundan tashqari, PFL ham ko'proq muxlislarni jalb etish maqsadida qator ko'ngilochar tadbirlar rejalashtirib qo'ygan.
Asosiysi, finalni o'yingohning o'zidan tomosha qilish mutlaqo bepul. Xullas, hordiq chiqarish uchun imkoniyat atalmish narsa bor. Nahot, shundan keyin ham butun boshli Samarqand bitta stadionni to'ldira olmasa?
1) 5 yil. "Nasaf"ning oxirgi finalidan kimlar qoldi?
2) Final. Ravshan Ermatov — mutlaq etakchi
3) Final. "Nasaf" "Paxtakor" bilan nechanchi marta to'qnashadi?
Bosh sahifaga
301
6 Sentabr 2026, 06:10