Ushbu o'yindan oldin jamoa bosh murabbiyi Ralf Rangnik matbuot anjumanida ishtirok etdi.
"Yodimda, Klopp "Maync" boshqaruvini qo'liga olganida menga qo'ng'iroq qilgandi. O'shanda uning agenti yo'q edi va "Maync"dan qancha pul so'rash kerakligini so'ragandi. O'shanda Ulmda edim va barchasini gapirib bergandim.
Qaysidir manoda o'shanda uning agenti edim. Yurgen mendan ko'p narsalarni so'rardi. O'shanda u menga: "Sendan juda ko'p narsalarni so'rab yubormadimmi?" deb so'ragandi. Men esa unga bu yaxshi holat ekanligini va berayotgan maslahatlarimni ishonch bilan qilaverinishini aytgandim.
Men optimist insonman, shu bilan birga realistman. 5 hafta oldin jamoa "Liverpul"ga 0:5 hisobida mag'lub bo'ldi. To'g'risini aytaman, hisob bundan-da yirikroq bo'lishi mumkin edi.
"Siti" bilan o'yinda ham hisob 2:0 bo'ldi. Raqib ko'proq urishi mumkin edi. "CHelsi"ga qarshi o'yinda esa ishlab olingan bir ochkoning qadri yuqori bo'ldi. Ular darvozamizga 24 marta zarba berdi, biz esa atigi 3 bora.
Tomasning "CHelsi"ga 4 oyning o'zida juda ko'p narsalarni bera olganini takidlash kerak. Marina Granovskaya hamda Roman Abramovich huddi bashoratchilar kabi billur sharga qarab, barchasini bilib olgandek. Qoyil!
Umid qilamanki, yaqin 3-4 hafta ichida o'zimga uy topaman va unda mening yordamchim ham ko'chib o'tadi. Ser Aleks bilan ko'rishishni istagandim, biroq u payshanba tunida Nyu-Yorkdan uchib keldi va uyida qolishni istadi. U bilan yuzlashishni sabrsizlik bilan kutaman.
ECHLda g'alabaga erishish va APLni to'rtinchi o'rinda yakunlash - men uchun katta yutuq. Ammo bu futbolchilar bilan biz etakchi bo'lishimiz kerak. Umid qilamanki, "Manchester Yunayted"dagi faoliyatim yaxshi bo'ladi va ishlar oldinga tez siljiydi", - dedi Rangnik.
Bosh sahifaga
100
