"Qaldirg'ochlar" rahbari suhbat davomida jamoa etakchilariga boshqa klublardan katta takliflar tushayotgani to'g'risida malumot berdi. SHuningdek, Superligaga qaytgan "Neftchi" o'z tarkibini kuchaytirish yo'lida jiddiy harakat qilayotgani, Ilhom Mo'minjonov kelasi yil yaxshi jamoa shakllantirishi kutilayotgani aytildi.
Eshitishimizga qaraganda, jamoa rahbariyati Superliga klublarija to'p tepayotgan tajribali futbolchilarga yaxshigina pul taklif qilishmoqda. Biz esa "Neftchi" ichidagi muhitni bilish maqsadida Farg'ona klubi vakillari bilan bog'landik.
Ming afsuski, o'yinchilarning ayni paytdagi kayfiyati juda yomon. Ular oylik maoshlari to'lanmayotganidan norozi. SHuningdek, chempionlik uchun mavsum avvalida vada qilingan bonuslardan ham darak yo'q ekan. "Neftchi" vakillarining hisob raqamlariga avgust oyida yutilgan o'yinlar uchun mukofot pullari hanuzgacha o'tkazib berilmagan.
Tarkibdagi bazi o'yinchilar ketkazib yuborilgani aytilmoqda. Malum bo'lishicha, o'z haqqini ololmayotgan bir necha nafar futbolchining moliyaviy holati yomonlashib, jamoadoshlaridan qarz ko'tarishga majbur bo'lmoqda. Bazilar esa o'z haqqi undirib berilishini so'rab, FIFAga arz qilish haqida o'ylamoqda.
Umid qilamizki, mavjud muammolar zudlik bilan hal qilinadi va farg'onaliklar matbuot xizmati tez orada bu haqda malumot beradi. Agar ushbu holat bo'yicha intervyu berishni istaganlar bo'lsa, Championat.asia'ning eshiklari har doim hamma uchun ochiqligini eslatib o'tamiz.
P.s. Rivojlanishning "Neftchi" tanlagan yo'li xatoligi to'g'risida yil avvalida yozgandik. O'sha maqolaga etiroz qilib, muallifni haqoratlashgacha borgan barcha farg'onalik muxlislarga "Assalomu alaykum!" degan holda takror o'qib chiqishni tavsiya qilamiz: "Futboldagi so'qirlik" (10 yanvar).
Bosh sahifaga
91
