Suhbat davomida Ulug'bek Mirzaev jamoaning yarim himoyachisi Nurillo To'xtasinovga "Navbahor" qiziqayotgani va oyiga 100 million maosh berishi haqida aytdi. Barchasiga aniqlik kiritish maqsadida To'xtasinov bilan bog'landik.
"Bunyodkor" bilan 31 dekabrgacha shartnomam bor. Klublar bilan bunday gap bo'lmagan. Qaerdan olib gapirishdi. Pullarini nega oshkor qildi? Qaerdan bildi buni Ulug'bek aka? Bo'lmagan narsalarni intervyuda gapirgan. Balki 2-3 milliard olarman. 100 million yo'q narsa haqida intervyu beryaptilar",- deya gap boshladi futbolchi.
- "Bunyodkor" klubi bosh direktori Ulug'bek Mirzaev saytimizga bergan intervyusida sizga "Navbahor" qiziqish bildirayotganini aytdi. Aslida bu boradagi rejalaringiz qanday?
- Hozircha yuqorida takidlaganimdek 1 oy shartnomam mavjud. Klub ixtiyoridaman. Ulug'bek Mirzaev yo'q narsani gapirdi.
- "Navbahor" taklifi qanchalik haqiqatga yaqin?
- Klublardan takliflar bo'lgan. "Navbahor" ikki yildan beri qiziqadi. Biroq ularga javob berganim yo'q. "Bunyodkor" bilan kelisha olsak ko'ramiz.
- Nurillo To'xtasinov legionerga aylanadimi yoki o'zimizda qolishni afzal ko'radimi?
- Bir qarorga kelamiz. Ota-onam bilan gaplashib, xorij variantini ham umuman barchasini ko'ramiz. Bo'lmasa o'zimizda to'p tepaman.
Bosh sahifaga
351
10 Sentabr 2026, 06:27