Live  ECHL. "Real Madrid" - "Inter" 1:0 (Matnli translyaciya)

Ushbu sahifada uchrashuvning matnli translyaciyasini kuzatib borishingiz mumkin. 

YANGILASH

17-daqiqa. GOOOOOOOL! Toni Kroos mahoratini yana bir bor namoyish qildi. 

15-daqiqa. Karvaxalning uzatmasi qovushmadi, oqibatda hujum uzilib qoldi. 

CHalxanogluning uzatgan to'piga zarba bera oladigan futbolchi topilmadi. 

14-daqiqa. Qanotdan uzatilgan to'pni Militao maydon tashqarisiga chiqarib yubordi. Burchak zarbasi. 

13-daqiqa. Yovichning faolligi va uzatmasidan keyin Rodrigo zarba berishga imkon topdi, noaniq. 

12-daqiqa. "Inter" hisobni ochishga juda yaqin keldi. Biroq so'nggi pallada to'p yo'liga himoyachi to'g'anoq bo'ldi.   

10-daqiqa. Mezbonlar to'pni nazorat qilishmoqda. 

8-daqiqa. Nikolo Barella jarima maydonchasiga kirib ketayotganida yiqildi va hakamga Karvaxal qoidani buzdi-ku deya yuzlandi, hakamning fikri qatiy. O'yin davom etadi. 

7-daqiqa. Kutilmaganda Brozovichning zarbasidan keyin to'p darvozaning to'qqizligiga borib tushishiga sol qoldi.  

5-daqiqa. Dani Karvaxal qanotda Perishichga ortiqcha vaqt qoldirmadi va uzatma yo'lini to'sishga erishdi. 

4-daqiqa. Vinisius qanotdan oldinga o'tib ketishiga Barella yo'l qo'ymadi. 

3-daqiqa. "Inter" ham hujum bilan javob berdi. Biroq ketma-ket yo'llangan zarbalarni himoyachilar zararsizlantirishdi. 

2-daqiqa. O'yindagi ilk xavfli vaziyatni Vinisius deyarli yuzaga keltirdi. Qanotdan oldinga o'tib, zarba berdi, ammo hakam to'p SHkrinyarning oyog'iga tegib, maydonni tark etganini payqamay qoldi. 

1-daqiqa. O'yin boshlandi! Uni mezbonlar boshlab berishdi. 

Har ikki klub asosiy tarkib futbolchilari maydonga tushib kelishdi. Endi ECHL madhiyasi jarang sochmoqda. 

Stadion uzra "Real Madrid"ning madhiyasi "¡Hala Madrid. Y nada mas" yangramoqda. 

Ushbu jamoalar o'zaro to'qnashuvda kim guruhni birinchi o'rinda yakunlashini aniqlab olishadi.

Fursatdan foydalanib, barcha uxlamaganlarni 8-dekabr O'zbekiston Respublikasi Konstituciyasi qabul qilingan kun bilan muborakbod etamiz! 

Jamoalarning asosiy tarkiblari malum bo'lib ulgurgan. 

"Real Madrid" – "Inter"
7 dekabr, 01.00, "Santyago Bernabeu" o'yingohi

"Real Madrid" – Kurtua, Karvaxal, Alaba, Militao, Mendi, Modrich, Kroos, Kazemiro, Yovich, Vinisius Junior, Rodrigo.

"Inter" – Xandanovich, Dumfris, D`Ambrozio, SHkrinyar, Bastoni, Perishich, Brozovich, CHalxanoglu, Barella, Djeko, Martines.