Video  Futbolchi to'lab beriladigan summaning yarimiga ham rozi edi yoxud "Bunyodkor" va Javlon Ibrohimov ishi nima uchun CAS'gacha bordi?

Gap Javlon Ibrohimov va "Bunyodkor" haqida ketyapti. 2019 yil fevral oyida jamoani tark ketgan yarim himoyachi klubda 200 mln so'm puli qolganini aytilmoqda. Keyinchalik, O'FA Futbolchilarning Maqomi va O'tishi bo'yicha qo'mitasi hamda O'FA Apellyaciya qo'mitasi Ibrohimovning foydasiga qaror chiqargan. Biroq "Bunyodkor" tomon bu qarordan qoniqmadi va ishni Xalqaro sport arbitraj sudiga murojaat qildi. Mana shu masala hozirga qadar davom etib kelmoqda. Xo'sh, ish qaysi bosqichda? O'zbekiston futbolchilar uyushmasi rahbari Kamoliddin Murzoev kecha jonli efirda bu borada to'xtalib o'tdi. 

O'zbek futbolchisining ishi xalqaro arbitraj sudida ko'riladi. Muammo nimada?

"Faqat bir narsaga oydinlik kiritib o'tsam,"Bunyodkor" bu erda futbolchilar uyushmasini emas, O'FA qo'mitasi qarori ustidan Xalqaro sport arbitraj sudiga murojaat qilgan. Biz o'zimizda o'tkazilgan ikkita qo'mita, bir marotaba appelyaciya ishida yutib chiqqanmiz. O'zimiz keltirgan vajlarni isbotlab berganmiz. Futbolchimizning qarzdorligidan klub voz kechmagan. Bu erda gap vaqt doirasida bo'lgan. 15 dekabr kuni sud buni ko'rib chiqadi va oxirgi qarorni ular qabul qiladi. Endi O'FA qo'mitasi qarorini nima uchun shunday qaror qabul qilganini isbotlab berish kerak. "Bunyodkor" keltirayotgan vajlar shunchaki isbotsiz vaj bo'lib qolyapti. Ularda CAS tashkilotiga ishni berish huquqi bor edi. Alam qilayotgan jihati, balki sud qarorni klub yoki boshqa tomonga chiqarishi mumkin. Lekin "Bunyodkor" davlat tomonidan moliyalashtirishini hisobga olsak, hamma gap CAS'ga to'lab berilayotgan pullarda. Bu kichkina pullar emas. To'g'ri bu klubning ishi. Agar "Bunyodkor" g'olib chiqadigan bo'lsa, bir qismini O'FA to'lashiga to'g'ri keladi. Hali qolgan harajatlar ham bor. O'zbekiston futbolchilar uyushmasi esa taraf sifatida o'zimizning vajlarni keltirib o'tadi. Borinki, qaror Ibrohimov tomonga hal qilinsa, futbolchiga to'lab beriladigan pul ham "Bunyodkor"ning bo'yniga tushadi va juda katta mablag' yuzaga keladi. 

Bunday vaziyatlarda biz klub va futbolchini kelishuvga chaqiramiz. Agarda to'liq to'lay olmasa, imkoni bo'lmasa, ishonch xati olib malum vaqtda to'lab berishiga ko'ndiramiz. "Bunyodkor" bilan kechayotgan voqeda, dastlab Javlon Ibrohimov to'lab beriladigan summaning yarimiga ham rozi edi. Qo'mitaga olib bormaslikni talkif qilganmiz. Lekin shunday darajaga chiqib bordi. Biz uchun ham tajriba bo'ldi",- deydi Kamoliddin Murzoev.