Mazkur bahsda “Xo'jand” safida uch nafar hamyurtlarimiz – Firdavs Abdusalimov, Olimjon Karimov hamda Samandar Ochilovlar to'p tepdi. G'alabadan so'ng hamyurtlarimiz fikrlariga quloq tutdik.
Olimjon Karimov:
“ Biz mazkur o'yinga jiddiy tayyorgarlik ko'rgandik. Qolaversa, 30 noyabr kuni “Istiqlol”ga qarshi chempionatning qoldirilgan uchrashuvida ham maydonga tushgandik. Biroq o'shanda darvozalarga to'p kiritilmagandi. Bu o'yin ham finalga tayyorgarlik vazifasini bajargandi. G'alaba qozonishni maqsad qilgan holda maydonga tushdik. Jamoamiz o'yinning o'zidayoq masalasini hal qilishni oliy vazifa qilib belgilagandi. Penaltilar seriyasiga qadar borishni ko'zlaganimiz yo'q. Qo'shimcha bo'limlarda bo'lsa ham o'zimiz kutgan natijaga erishdik.
Firdavs Abdusalimov:
“Bugungi g'alabani qo'lga kiritishda jamoamizning ahillik bilan to'p tepgani sabab bo'ldi. Qolaversa, biz raqibimizdan ko'ra, jismoniy holatimiz yaxshi ekani ham g'alabamizga turtki bo'ldi. Kubokni haqli ravishda qo'lga kiritdik deb o'ylayman. O'yin oldidan rahbariyat tomonidan g'alabamiz uchun yaxshigina bonus vada qilingandi.
Samandar Ochilov:
“Xabaringiz bor, “Istiqlol”ga qarshi o'ynash doimo qiyin kechgan. Ular mamlakatning eng kuchli jamoasi hisoblanadi. CHunki klubning ko'pchilik futbolchisi mamlakat terma jamoasi azosi. Biz barchasini hisobga olgan holda o'yinga puxta tayyorgarlik ko'rdik. G'alabaga bo'lgan ishtiyoqimiz va kuchli irodamizni ko'rsata oldik. Finalda barcha maydonda borini tashlagan holda o'ynadi. Bu orqali esa biz tarixiy natijani qayd etdik.
Bosh sahifaga
802