"Kelayotgan haftada "Bunyodkor" akademiyasi tarbiyalanuvchilarini katta tantanali marosim kutmoqda. 14 dekabr (seshanba) kuni respublikamizdagi eng ko'rkam sanat saroylaridan sanalmish, poytaxtimizning eng markazida – Mustaqillik maydoni yaqinida joylashgan, O'zbekiston Yoshlar ittifoqi tasarrufidagi “YOSHLAR IJOD SAROYI”da “Bunyodkor” futbol klubi akademiyasi tarbiyalanuvchilarining 2021 yilgi futbol mavsumi yakunlariga bag'ishlangan tantanali taqdirlash tadbiri bo'lib o'tadi. Marosimda bu yil o'z rasmiy musobaqalarida eng yuqori o'rinlarni egallagan jamoalar taqdirlanadilar.
Yosh futbolchilarni tabriklagani futbolimizning taniqli namoyondalari, legioner o'yinchilarimiz, “Bunyodkor” Akademiyasidan etishib chiqqan bir qancha mashhur charm to'p ustalari, el suygan sanatkorlar, dunyoga dong'i ketgan chempion bokschilarimiz va boshqalar tashrif buyuradilar.
Bayramga Akademiyaning barcha uch – “A”, “V” va “S” toifalardagi barcha guruhlar azolari taklif etiladilar. Bolalar bemalol hatto ota-onalari bilan birga kelishlari ham mumkin.
Nimaiki qilinayotgan bo'lsa, barcha-barchasi yosh futbolchilar uchun, ularning porloq kelajagi uchun!
Demak, 14 dekabr (seshanba), “YOSHLAR IJOD SAROYI”, soat 15:00da", - deb yoziladi klub bayonotida.
Bosh sahifaga
145
