"Championat.asia"da ishlashimni bilgan aksar tanishlarim, futbolga malum darajada muxlislik qiladigan insonlar "futbolchilarning hayoti zo'r-a, ularga mazzada", deganini ko'p eshitaman.
Natijaga erishish uchun tinmay mehnat qilish talab etiladi. Siz belgilagan marra qanchalik baland bo'lsa, shunchalik ko'proq ter to'kishingiz zarur bo'ladi.
U yoki bu futbolchi yulduz darajasiga chiqqach, biz uning bugungi kundagi o'yiniga ko'proq etibor beramiz. Bosib o'tilgan yo'l esa ko'pincha etibordan chetda qolib ketadi. Biroq futbol olamida shunday voqealar borki, eshitib, o'qib lol qolasiz. Bugun KFC"da ishlayotgan biror yosh tanishingiz oradan 7 yil o'tib, A Seriyada to'p tepadi desak, ishonasizmi? Qiyin-a? Biroq portugaliyalik Betu aynan shu yo'lni bosib o'tgan. Katta futbolga o'tish davri juda muhim bo'lgani sababli ushbu maqola tarjimasini etiboringizga taqdim etishga qaror qildik.
Avvalgi turlardan birida "Lacio" darvozasi tomon oshiqayotgan "Udineze" hujumchisi Betu 33 km/s tezlik oldi. "Bor yo'g'i shunchami? Men juda sekin yugurayotgan ekanman-da", – deb xazillashdi o'yindan keyin futbolchi.
33,32 km/s – A Seriyada mavsumning sakkizinchi (bu borada etakchi Dumfris - 35,02) va markaziy hujumchilar o'rtasida birinchi ko'rsatkich. SHu o'rinda Betuning bo'yi 196 sm va og'irligi 88 kg ekanligini inobatga olsak, chindan ajoyib ko'rsatkich.
"Udineze" 23 yoshli "gigantni" Portugaliyaning "Portimonenshe"sidan olib keldi. O'tgan mavsum Betu Evropa Braziliyasida 30ta o'yinda maydonga tushdi va 11 ta gol urishga muvaffaq bo'ldi. Italiyada sportchi undanda samaraliroq harakat qilmoqda – 15 o'yinda 7ta gol, kechasi u "Milan" darvozasini ishg'ol qildi va chempionlik kurashidagi Pioli shogirdlari ochko yo'qotishiga sababchi bo'ldi.
Betuning hayotidagi jiddiy burilish nuqtasi Benfika futbol maktabidan xaydalishi bo'lgan. O'shanda qaxramonimiz 16 yoshda edi va mamlakatning eng nomdor jamoalaridan biri bo'ydor o'smirdan voz kechadi. Betu bir yil davomida KFC"da ishlaydi, sohil (plyaj)da do'stlari bilan futbol o'ynar va professional futbol haqidagi orzulari bilan xayrlashishga tayyor edi. Ammo shu vaqtda uning fikrini o'zgartiradigan inson topiladi. Betuning avvalgi klubi prezidenti yigitchani qaytishga ko'ndiradi, tunni klublarda o'tkazishni unutish va hayot tarzini o'zgartirishga, to'g'ri ovqatlanishiga va futbolga bor etiborini qaratishga majbur qiladi.
Astoydil mehnat samarasi o'laroq, oradan etti yil o'tib, Betu Italiya chempionatida gollar urmoqda, ularni xuddi LeBrondek nishonlayapti va top klublar etiboriga tushib ulgurdi. Aytishlaricha, hujumchi o'yinlarini "Inter" va "Atalanta" jiddiy tarzda kuzatib bormoqda.
Nozima Zaripova tarjimasi
Bosh sahifaga
262
18 Sentabr 2026, 15:42