"8+3". "Menda hech qachon boshqa variant bo'lmagan" - Eldor Suyunovning hayotini o'zgartirgan voqeani bilasizmi?

Bu gal O'zbekiston terma jamoasi va Toshkentning "Paxtakor" klubi darvozaboni Eldor Suyunov bilan suhbatlashdik. Unga futbolga oid 8, futboldan tashqari 3ta savol bilan murojaat qildik.

- Siz bilan bir jamoada o'ynagan eng kuchli futbolchi kim? Jahon futbolidanchi?

- Men birga o'ynagan futbolchilar orasida eng kuchlisi Dragan CHeran. Jahon futbolida esa Ronaldino. 

- Sizning darvozangizga urilgan eng chiroyli gol qaysi?

- O'tkazib yuborilgan gollarning xammasi alamli bo'ladi. Alam qiladigan narsani esa chiroyli xunugi bo'lmaydi, hammasi yoqimsiz.

- Futbol olamida boshqalardan mutlaq ajralib turadigan shaxs kim? 

- Futbolda yuqori darajaga chiqishi uchun talant va mehnat kerak. Bu tarafdan hamma top futbolchilar bir xil. Faqatgina harakteri bilan ajralib turadigan o'yinchi - Ibrahimovich. 

- Siz bilan birga ishlagan eng kuchli murabbiy?

- Faoliyatim davomida faqat kuchli mutaxassislar bilan ishladim. Ulardan bittasini tanlash juda qiyin. 

- O'zbek futbolidagi eng omadsiz shaxs kim?

- Bu savolga javob berolmayman. 

- B variantingiz qanaqa edi? Futbolda qololmasangiz, qaysi kasbni tanlar edingiz?

- Menda hech qachon boshqa boshqa variant bo'lmagan.

- Siz bevosita stadiondan kuzatgan eng oxirgi o'yin? ("Paxtakor"ning o'yinlari hisobmas)

- "Olimpik" (3:1) "Mashal". 

- O'zingiz o'yinlarini kuzatgan futbolchilar orasidan ramziy jamoa tuzib bering.

- Manuel Noyer, Dani Alves, Sergio Ramos, van Deyk, Roberto Karlos, Jerrard, Zidan, Xavi, Messi, Ronaldo, Ronaldino.

- Bittadan yoqtirgan kino va kitobingizni ayting.

- "SHaytanat" - kitobi ham, kinosi ham yoqadi. 

- O'zingizga yoqmagan tarafingiz qaysilar? Kamchiliklaringiz...

- Kamchiliklarim juda ko'p. Nasib bo'lsa, hammasini o'zgartirishga harakat qilaman. 

- Hayotingizning burilish nuqtasi sifatida qaysi voqeani eslaysiz?

- Maktabda 9 sinf edim. Bir kun darsda o'tirganimda ayam sinfimizga kelib futbol o'ynaysanmi? - deb so'radilar va men rozi bo'ldim. O'sha kunning o'zida Toshkentdagi CHig'atoy futbol maktabiga olib kelishgan. Menimcha, shu voqea hozirgacha bo'lgan hayotimning burilish nuqtasi hisoblanadi. CHunki men futbolgacha Qarshidagi eng kuchli Nodirabegim nomidagi ixtisoslashgan maktabgacha talim va maktab internatida o'qiganman. 

"8+3". Abramovga nima pand berdi?