Lekin fakt faktligicha qoladi. 2008 yilning kuzida mashhur Rivaldo Toshkentga tashrif buyurib, "Bunyodkor" bilan shartnoma imzolagandi. Uning kelishi nafaqat O'zbekiston, balki qo'shni va Evropa davlatlarida ham katta shov-shuvga sabab bo'lgandi. Rivaldo "Bunyodkor"da o'ynaydi degan xabar ayniqsa, Rossiyada shov-shuv ko'targani hamon yodimizda.
Aytish mumkinki, Rivaldo O'zbekistonga kelib o'ynagan legionerlar orasida eng mashhuri. 2008 yil u Toshkentga kelganida sobiq MHSK stadioni (hozirgi "Bunyodkor")da uning tanishtiruv marosimi o'tkazilgan, Rivaldo muxlislar qarshisida maydonga chiqib, o'z mahoratini namoyish etgandi. Rivaldo "Bunyodkor" safidagi debyutini 2008 yilning sentyabr oyida nishonlagan va safarda "Mashal" bilan kechgan bahsda 2ta gol urgan.
Quyida o'sha davrlarni yaxshi xayollar bilan qo'msash maqsadida Rivaldoning Toshkentdagi ilk kunidan fotosuratlarni taqdim etamiz.
Bosh sahifaga
263