Unda klubning sobiq futbolchi va tarbiyalanuvchilaridan biri Rustam Ashurmatov ham ishtirok etdi. Tadbir yakunida biz himoyachining Koreyadagi faoliyati va navbatdagi rejalari haqidagi fikrlari bilan qiziqdik.
"Ko'rganingizdek Eldor SHomurodov va Otabek SHukurov video orqali tabriklarini yuborishdi. Lekin men bilan telefon orqali bog'lanishganida o'sha kuni Toshkentda bo'lishimni aytdim. Tadbir chiroyli o'tdi. "Bunyodkor" menga begona emas. SHu klub akademiyasida tarbiyalanganman. Bizning paytda bunchalik katta tantana bilan taqdirlash bo'lmasdi. Ko'z tegmasin oldinga siljish bor. Bolalar o'z ustida ishlasa, Evropada o'ynay olishadi",- deydi Rustam Ashurmatov
- Bir necha kun oldin Koreyadan qaytib keldingiz. U erda mavsum yakuniga etdi. "Kangvon" ligadagi o'rnini saqlab qolishga erishdi. Faoliyatingizda qaerda davom ettirishni o'ylayapsiz?
- Hozirda jamoam bilan shartnomam bor. SHu bois boshqa takliflarni ko'rib chiqayotganim yo'q. Navbatdagi mavsumni ham "Kvanju"da davom ettirishim aniq.
- Koreyada ortda qolgan mavsum borasida qanday fikrlar yuzaga keldi?
- Mavsum yakunlandi. Yaxshi o'tdi, deya olmayman. Ammo elitada qolishni uddaladik. Yil boshida rejalarimiz boshqacha edi. O'ylaymanki, hammasi oldinda.
- Mamlakat yuqori va quyi ligasi o'rtasida farq katta emas. SHunday bo'lsada siz bu borada eng asosiy qanday tafovutni sezdingiz?
- To'g'ri. Masalan Oleg Zoteev to'p tepgan jamoa pastki ligada ishtirok etadi. Lekin yakunda Koreya kubogini qo'lga kiritib, OCHLga yo'llanma olishdi.
Bosh sahifaga
248