Dastlab hisobda 0:3 hisobida ortda borayotgan vakillarimiz, bahs yakunida 6:4 hisobida g'alaba qozondi. Terma jamoamizning gollaridan biriga Ixtiyor Ropiev mualliflik qildi. Biz esa mazkur bellashuvdan so'ng uning fikrlari va taassurotlari bilan qiziqdik.
"Bu jahon chempionatidan keyingi ilk yig'inimiz hisoblanardi. Umumiy taassurotlar yaxshi. Ilk o'yinda omadimiz kelmadi. Vaziyatlardan foydalana olganimiz yo'q. Navbatdagi bahsda esa xarakter ko'rsata oldik. Raqibimiz jiddiy jamoa. Ular Jahon chempionatida kuchli to'rtlikdan o'rin olishdi. Bunday o'yinlar doim foydali bo'ladi. Bizni qo'llab-quvvatlagan muxlislarga rahmat aytib qolaman", - deydi Ixtiyor Ropiev.
- Uchrashuvga mezbonlik qilgan "Jaksilik Ushkempirov" arenasi haqida nima deya olasiz? Parket sifati terma jamoamiz o'z o'yinini ko'rsatishiga qanchalik tasir qildi?
- Nur-Sultondagi arenadagi birinchi bellashuvda o'z o'yinimizni topa olganimiz yo'q. Parket biroz sirpanchiq. SHuning hisobiga ko'p xatolarga yo'l qo'ydik. Ikkinchi o'yinga esa o'zimizni bunga tayyorladik. Ko'rganingizdek o'yin boshqacha kechdi.
- Raqib tomonga pressing qo'llashda biroz sekinroq harakat qilindi. Bu borada murabbiylar shtabi qanday ko'rsatmalarni berishdi?
- Hisob tenglashguncha pressing tashkil qildik. Murabbiylar tanaffusda shoshmaslikni, pressingni to'g'ri uyushtirishimizni aytishdi. Amalda bu g'alabamizni taminladi.
Abdulaziz Iskandarov yozib oldi
44009219873991931 
Bosh sahifaga
220
24 Sentabr 2026, 13:45