«Dinamo» PFK bilan tuzilgan bir yillik shartnomasi yakuniga etgach, jamoa bosh murabbiyi Hakim Fuzaylov klub bilan do'stona xayrlashdi.
Tojikistonlik tajribali mutaxassis qo'l ostida «Dinamo» jamoasi 2021 yilgi mavsum yakunlariga ko'ra Pro ligadan Superligaga yo'llanma oldi. Samarqandda o'tgan navbatdagi muvaffaqiyatli faoliyati uchun Hakim Qayumovichga minnatdorchilik bildirib, keyingi ishlariga omad va zafarlar tilab qolamiz.
«Dinamo» PFK rahbariyati ayni damda bir qator mutaxasssislar bilan muzokara olib bormoqda. Yangi bosh murabbiy masalasida kelishuvga erishilsa, klub rasmiy saytida elon qilinadi.
Eslatib o'tamiz, 29 oktyabr kuni Samarqand klubi "Superligaga olib chiqqan murabbiylar shtabi bilan hamkorlikni davom ettirishni rejalashtirgani" haqida xabar bergandi: «Dinamo» matbuot xizmati: «Murabbiylar shtabida o'zgarish bo'lishi haqidagi xabarlar asosga ega emas»
Bosh sahifaga
102
