Klub va futbolchi bu borada o'zaro kelishuvga erishgan.
"Inter" Kristian Eriksenga kelajakdagi faoliyatida eng yaxshi tilaklarini bildirdi.
"Bugungi kunda "Inter" va Kristian Eriksenning yo'llari ayrilmoqda, ammo mustahkam aloqa saqlanib qoladi. Skudettoni nishonlash paytidagi eng yaxshi lahzalar, gollar va g'alabalar, muxlislar quvonchi – bularning barchasi "neradzurri" tarixida qoladi", — deyiladi xabarda.
Eslatib o'tamiz, 12 iyun kuni Evro-2020 doirasidagi Daniya — Finlyandiya (0:1) uchrashuvining birinchi taymida Eriksen maydonga yiqilib tushgandi. 15 daqiqa davomida shifokorlar unga yordam berishgandi, so'ngra shifoxonaga olib ketishgandi. Keyinroq o'sha vaqtda Kristianning yuragi to'xtab qolgani aniqlangandi.
Kristianga kardioverter-defibrillyator o'rnatilgan, bu esa unga Italiya chempionatida ishtirok etishni taqiqlaydi.
Bosh sahifaga
102
