Konte: “Tottenxem” to'p nazoratini qo'lga olib, “Liverpul”ga muammo tug'dirishini aytgandim”

“Tomoshabop o'yin, bizda gol urish va g'alaba qozonish uchun juda ko'p imkoniyatlar bo'ldi. Durangdan biroz xafa bo'lishimiz kerak. Lekin, albatta biz kuchli raqibga qarshi o'ynadik.

Rejamiz bor edi va bu faqat o'zimiz himoyalanishimiz kerakligi haqida emasdi. To'pga egalik qilish orqali “Liverpul”ga muammo tug'dirishga qodirmiz degandim va shunday ham bo'ldi.

Hakamning qarori haqida gapirmoqchi emasman. O'ylashimcha, ikkala jamoa ham ajoyib o'yin o'tkazdi. Xarri Keyn yaxshi o'ynadi, juda muhim golni urdi va ko'proq to'p kiritishi ham mumkin edi. U biz uchun muhim futbolchi”, deydi Antonio Konte.