28 dekabrdan boshlab Germaniyadagi sport musobaqalariga tomoshabinlar kiritilmaydi. Tegishli qaror hukumat yig'ilishida qabul qilindi, deb xabar berdi Kicker.
COVID-19 ning yangi shtammi bo'lgan omikronning tarqalishi siyosatchilarni katta moliyaviy yo'qotishlarga olib keladigan choralarni ko'rishga undadi. Jumladan, elit diviziondagi har bir klub muxlislar yo'qligi tufayli har uchrashuvda o'rtacha ikki million evro yo'qotadi. “Bavariya” va “Borussiya D”ning yo'qotishlari undan ham kattaroq bo'ladi.
Avvaliga yig'ilishda stadionlarga cheklangan miqdordagi muxlislarni kiritish varianti ko'rib chiqildi, ammo keyinroq bu qaror qabul qilinmadi.
Bundesliga birinchi davrasidan so'ng "Bavariya" Dortmundning "Borussiya"sidan 9 ochkoga o'zib ketgan holda musobaqa jadvalida ishonchli tarzda peshqadamlik qilmoqda.
Bosh sahifaga
81
