Mavsum yakunlari va kelgusidagi rejalari borasida jamoa yarim himoyachisi Iqboljon Malikjonov bilan suhbatlashdik.
Mavsum-2021 qanday o'tdi?
- O'tgan yilgi mavsumga nisbatan 2021 yilgi natijalarimiz pastroq bo'ldi. CHunki qaysidir o'yinlarda o'z darajamizda o'ynay olmadik. Qolaversa, omad etishmagan holatlar ko'p bo'ldi. Ayniqsa, birinchi davrada o'z maydonimizda muxlislar kutgan darajada namoyish eta olmadik. Yuqori o'rinlarning birida egallash va muxlislarimizga ijobiy natija ko'rsatishimiz kerak edi.
Keyingi mavsumni qaysi jamoada o'tkazadi?
- Katta ehtimol bilan “Qo'qon-1912”da qolaman.
Ivan Yosovich va qolgan legionerlar borasida
- Legioner futbolchi mahalliylardan bir bosh ustun bo'lishi kerak. Yosovich yaxshi saviyadagi himoyachi deb bilaman. Ishonchli o'yini tufayli muxlislarimizni ham mexrini qozondi. Qolgan legionerlarimiz ham o'zlarida ijobiy taassurot qoldirdi.
“Eng yaxshi futbolchi”
- Bu yil ko'p futbolchilar o'zlarini ko'rsatishdi. Nazarimda bu mavsumda Dragan CHeran, Husayn Norchev va SHohruz Norxonovlar o'zlarida yaxshi taassurot qoldirdi. Albatta shu mening shaxsiy fikrim.
“Eng yaxshi murabbiy”
- Qiyin tanlov. SHunga qaramay men Ro'ziqul Berdiev, Ulug'bek Baqoev va Baxtiyor Ashurmatov nomzodlarini qo'ygan bo'lardim.
Bosh sahifaga
269
7 Oktyabr 2026, 22:05