Fayzulla Qambarov: “Birorta jamoadan o'yin jihatidan aslo qolishganimiz yo'q”

 Xo'sh, ortda qolgan mavsumdan jamoa etakchisi Fayzulla Qambarov qanday taassurot oldi? Buni suhbat davomida bilib olishimiz mumkin.

Ortda qolgan mavsum haqida

- Bilasizmi, yakunlangan mavsumni biz ajoyib o'yin namoyish etdik. O'yin tomonlama ancha o'sishga erishdik. Faqatgina, qayd etgan natijamiz ko'ngildagidek bo'lmadi. O'zimiz munosib bo'lmagan o'rinda yakunladik. Yo'l qo'yilgan xatolarni yangi mavsumda takrorlamaslik uchun harakat qilamiz. 

Qo'yilgan vazifa bajarilmagani borasida

- Albatta bu futbol. Mavsum davomida ko'p durang natija qayd etdik. Natijada, ochkolarimiz sonida kamayish kuzatildi. Bu esa qo'yilgan vazifadan chetga chiqib ketishiga sabab bo'ldi. 

Davralar tafovuti to'g'risida

- Nazarimda, birorta davrada yaxshi o'ynadik yoki kuchsiz harakat qildik deya olmayman. Butun mavsum davomida yaxshi o'ynadik. Futbolda o'yin darajasi muhim hisoblanadi. Birorta jamoadan o'yin jihatidan aslo ortda qolganimiz yo'q. Har ikki davrada ham yaxshi o'ynadik.

Eng yaxshi futbolchi borasida

- Islom Kenjaboev deb o'ylayman.

Eng yaxshi jamoa haqida

- So'zsiz “So'g'diyona” ko'rsatgan o'yini ko'pchlilikda ijobiy taassurot qoldirdi. SHaxsan menda ham shunday. Ular yaxshi mavsumni o'tkazishdi.