Klub yarim himoya chizig'ini kuchaytirish va raqobatni oshirish maqsadida joriy mavsumni AGMKda o'tkazgan Yovan Jokichni o'z safiga qo'shib oldi. Yurtimizda 4 yildan beri to'p tepib kelayotgan serbiyalik 3 mavsumni Olmaliqliklar, yana bir yil "temiryo'lchilar" sharafini himoya qildi. Jamoasini o'zgartirishga qaror qilgan futbolchiga bir nechta savollar bilan murojaat qildik.
- Yovan avvalo yangi jamoa bilan tabriklaymiz. Olmaliqda bir-biridan ajoyib mavsumlarni o'tkazdingiz. SHunday ekan AGMKdan ketishingiz nima bilan bog'liq?
- Haqiqatdan ham uchta yaxshi mavsumlar o'tkazdim. Men bundan xursandman. Faoliyatimdan nolimayman. Buning uchun AGMKga rahmat aytaman. SHuningdek ilk bor "Lokomotiv" bilan OCHLda ishtirok etdim. Ularga ham tashakkurimni izhor qilib qolaman. O'ylashimcha muhit va dunyoqarashni o'zgartirish vaqti kelgandi. SHu bois jamoamni o'zgartirishga qaror qildim.
- Odatda futbolchilar biror taklif kelib tushsa yaxshilab o'ylashadi va bir qarorga kelishadi. Lekin sizning "Navbahor"ga o'tishingiz juda tezda ro'y berdi...
- Men ko'p o'ylab o'tirganim yo'q. Taklif tushdi va uni qabul qildim. Samvel Babayan bilan o'z vaqtida "Lokomotiv"da birga ishlaganmiz. Men uchun begona murabbiy hisoblanmaydi.
- Boshqa klublardan ham chorlov oldingizmi?
- Albatta takliflar har doim bo'lgan. Lekin men O'zbekistonda qolishni maqul ko'rdim. "Navbahor" men uchun eng yaxshi tanlov edi.
- O'zbekistondagi faoliyatingiz orqali sizda qiziq anana bor. Yani har mavsumni sovrin va yoki yuqori o'rinlarda yakunlayapsiz. 2018 yil AGMK bilan mamlakat kubogi sohibi, 2019 yil "Lokomotiv" bilan kumush medallari va so'nggi ikki yilda bronza medallari. Buni "Navbahor"da ham davom ettirishingizga ishonasizmi?
- "Navbahor" juda yaxshi jamoa. Bu jamoa turnir jadvalida yuqori o'rinlarga kurasha oladi. Ushbu yo'lda qattiq mehnat qilamiz. O'ylaymanki yakunda o'z maqsadimizga erishamiz.
Bosh sahifaga
2703