Eshitdik-da! Abbos Otaxonov "Metallurg"ga qaytmoqda

Championat.asia sayti malumotiga ko'ra, Otaxonov bir yillik tanaffusdan so'ng yana "Metallurg"ga qaytadi.

Abbos Otaxonov 1995 yili 25 avgust kuni Farg'ona viloyatida tavallud topgan. "Paxtakor" akademiyasi tarbiyalanuvchisi hisoblangan Abbos Otaxonov 2015 yildan etiboran katta futbolda. Futbolchi 2016 yilgi mavsumni "sherlar" safida o'tkazib, 10 o'yinda maydonga tushgan. 2017 yilgi mavsumda esa Otaxonov "Navbahor" safida elitada 17 bellashuv o'tkazgan hamda 1 bor gol muallifiga aylangan. 2018-2020 yillarni "Metallurg" safida o'tkazgan Abbos Otaxonov jami 78 o'yinda maydonga tushib, 3 bor gol urishga muvaffaq bo'lgan. 2021 yilgi Superligada AGMK tarkibida 18ta o'yinda maydonga tushdi va 1ta gol urdi.

Abbos Otaxonov 7 yillik faoliyati davomida barcha musobaqalarda jami 135 o'yin o'tkazgan va 5ta gol urgan.

Otaxonov O'zbekiston yoshlar terma jamoasi safida 2018 yilgi Xitoyda o'tgan Yoshlar o'rtasidagi Osiyo chempionati g'olibi hisoblanadi.